विराटचोकः राष्ट्रिय निजी तथा आवासीय विद्यालय एसोसिएन नेपाल सुन्दरहरैंचाको प्रथम लोक नृत्यको उपाधि हिमालय इङ्लिस स्कुलले १ सय २३ अङ्कसहित सुन्दरहरैंचाले जितेको छ ।
आज भएको प्रतिस्पर्धामा विराट एकेडेमी १ सय १७ अंकसहित दोस्रो भएको छ भने नेसनल चिल्ड्रेन हाउस ९६ दशमलव ५ अंकसहित तेस्रो भएको छ भने प्रोग्रेस इङ्लिस बोर्डिङ स्कुलले ७५ अङ्कसहित सान्त्वना स्थान हात पारेको छ ।

कोशीहरैंचा उद्योग वाणिज्य संघको सभाहलमा भएको कार्यक्रमामा एन प्याब्सनमा आबद्ध ९ ओटा विद्यालयको सहभागिता रहेको थियो । एन प्याब्सन सुन्दरहरैंचा नगर कार्यसमितिका अध्यक्ष महेन्द्रकुमार राईको अध्यक्षतामा भएको कार्यक्रममा प्रमुख अतिथि सुन्दरहरैंचा नगरपालिकाका शिक्षा शाखा प्रमुख दामोदर चापागाईं रहेका थिए । विशिष्ट अतिथिमा एन प्याब्सन प्रदेश एकका अध्यक्ष जयबहादुर श्रेष्ठ, एन प्याब्सनका प्रदेश सदस्य कमल खनाल, मोरङ जिल्ला अध्यक्ष सुुनिल दत्त अधिकारी, पूर्वअध्यक्ष तथा निवर्तमान प्रमुख सल्लाहकार राजन छाराहाङ, मोरङ जिल्ला सचिव नारायण ढकाल, नीलप्रसाद फुयललगायत रहेका थिए ।

प्रतियोगितामा नेशनल चिल्डे«न हाउस, कालीदेवी इङ्लिस स्कुल, पूर्वाञ्चल पब्लिक मन्टेश्वरी स्कुल, हिमालय इङ्लिस स्कुल, प्रोगे्रस इङ्लिस बोर्डिङ स्कुल, बालज्योति नमूना इङ्लिस स्कुल, सनसाइन एकेडेमी, विराट एकेडेमी र सगरमाथा हिमाल दर्शन स्कुलको सहभागी भएका थिए ।

प्रतियोगितामा विद्यार्थीहरुले विभिन्न वेशभूषामा सजिएर लोकनृत्य प्रस्तुत गरेका थिए । प्रतियोगितामा नगेन्द्र राई र कृष्ण शाह निर्णायक रहेका थिए । प्रतियोगितामा पहिलो, दोस्रो, तेस्रो र सान्त्वना हुनेलाई मेडल, ट्रफी र प्रमाणपत्र प्रदान गरिएको थियो ।

कार्यक्रमका प्रमुख अतिथि दामोदर चापागाईंले यस्ता प्रतियोगिताले विद्यार्थीको आन्तरिक प्रतिभा प्रस्फुटन भएर उसका विविध पक्षको विकास हुने बताए । कार्यक्रममा जयप्रसाद श्रेष्ठ, कमल खनाल, सुनिलदत्त अधिकारी, नारायण ढकालले शुभकामना व्यक्त गरेका थिए । कार्यक्रमको सञ्चालन एन प्याब्सनका नगरसचिव सूर्य खवासले गरेका थिए ।