Connect with us
Advertisement
Advertisement

कर्मभूमि अमेरिकामा, समाजसेवा नेपालमा

Published

on

विराटचोकः मोरङको सुन्दरहरैंचामा अपाङ्गता भएका व्यक्ति तथा गरीब परिवारलाई लत्ताकपडा वितरण गरिएको छ । आमकास नेपाल मोरङको आयोजनामा कपडा वितरण गरिएको हो । अमेरिकाको भर्जेनियामा बसोबास गर्दै आएका लीला कडरिया र उनकी श्रीमती लीलामायाको आर्थिक सहयोगमा वडा नम्बर ८ मा रहेको शिक्षा निकेतन माविमा शुक्रबार नगदसहित कपडा वितरण गरिएको हो ।


गरिबीका कारण दैनिक जीवनमा आइपर्ने समस्याले हातमुख जोर्न समस्यामा परेका अशक्त, फरक क्षमता भएका व्यक्ति र गरीब परिवारलाई गरी नगरपालिकाका कुल १ सय १३ जनालाई कपडा वितरण गरिएको हो । २ लाख ५० हजार रुपैयाँभन्दा बढीको कपडा वितरण गरिएको बताइएको छ ।
कार्यक्रममा सुन्दरहरैंचा नगरपालिकाकी कार्यपालिका सदस्य उर्मिला शर्मा रिजाल, विद्यालयका शिक्षक जीवनकुमार श्रेष्ठलगायतको सहभागिता रहेको थियो ।

झापाको चारपाने घर भई हाल १२ वर्षदेखि अमेरिकामा बस्दै आएका यी कडरिया दम्पत्तिले पहिला नेपालमा हुँदाको दुःख सम्झेर आफूले कमाएको सम्पत्ति थोरै भए पनि गरीब दुःखीलाई सहयोग गर्ने उद्देश्यले नगदसहित कपडा वितरण गरेको बताएका छन् ।
कपडा वितरण कार्यक्रमको सभापतित्व आमकास नेपालकी अध्यक्ष उमा सेंढाईले गरेकी थिइन् भने कार्यक्रमको सञ्चालन इन्दिरा प्रसाईं खरेलले गरेकी थिइन् ।

Continue Reading

Facebook Comment

Advertisement
Click to comment

You must be logged in to post a comment Login

Leave a Reply

Banner

विराटचोकका २ वटा फलफूल तथा तरकारी पसलमा लागेको आगो नियन्त्रणमा

Published

on

विराटचोकः मोरङको सुन्दरहरैंचाको वडा नम्बर १२ मा रहेका २ वटा फलफूल पसलमा लागेको आगो नियन्त्रणमा आएको छ । बुधबार राति अन्दाजी ९ बजेतिर शुरु भएको आगो स्थानीयवासी तथा सुन्दरहरैंचा र बेलबारीका दमकलले नियन्त्रणमा लिएका हुन् ।

आगलागीको कारण थाहा हुन सकेको छैन । मुख्य बजारमा रहेका टिनको छाना भएका सुम्निमा सब्जी पसल र श्यामबाबु सुढीको फलफूल पसलमा आगो लागेको हो । आगो नियन्त्रणको लागि इटहरीबाट पनि दमकल आए पनि सो दमकल आइपुग्दा आगो नियन्त्रणमा आइसकेकाले सो दमकल इटहरी नै फर्किएको स्थानीयले बताए ।

आज आगलागी भएकै पूर्व तर्फ छेउमा गत असार २८ गते राति पनि आगलागी भएको थियो । ३ वटा होटलमा लागेको आगो निभाउने क्रममा ग्यास सिलिण्डर पड्किँदा ६ जना घाइते भएका थिए ।

 

Continue Reading

प्रदेश नं. १

करेन्ट लागेर सुपरभाइजरको मृत्यु

Published

on

ओखलढुंगाः ओखलढुंगाको सिद्धिचरण–१२ सिमलडाँडा मोलुङ–१ कुन्तादेवी बस्ने २८ वर्षीय परनेश खत्रीको करेन्ट लागेर मृत्यु भएको छ ।

मृतक खत्री मोलुङ खोला हाइड्रोपावर ट्रान्समिसन लाइनको सुपरभाइजर थिए । आज बिहान पौने ११ बजे सिमलडाँडामा बिजुली मर्मतको लागि जम्पर छुटाउन बिजुलीको पोलमा चढेको बेलामा विद्युत सट हुँदा उनलाई करेन्ट लागेको थियो ।

करेन्ट लागेर पोलमै अड्किएको अवस्थामा उनलाई उद्धार गरी उपचारार्थ सामुदायिक मिसन अस्पताल ओखलढुंगा लगिएकोमा डाक्टरले खत्रीको मृत्यु भइसकेको बताएको जिल्ला प्रहरी कार्यालय ओखलढुंगाले जनाएको छ ।

Continue Reading

Banner

विराटचोकमा आगलागी

Published

on

विराटचोकः सुन्दरहरैंचाको विराटचोकको मुख्य बजारमा बुधबार राति  आगलागी भएको छ । मुख्य बजारमा रहेको एक फलफूल पसलमा आगलागी भएको बताइएको छ । घटनाको बारेमा थप जानकारी आउन बाँकी छ । घटनास्थलमा सुन्दरहरैंचाका साथै छिमेकी अन्य स्थानीय तहका दमकल आगो निभाउन पुगेका छन् ।

घटनाको थप विवरण आउन बाँकी छ ।

Continue Reading
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement

Trending

सम्पर्क

विराट मिडिया एण्ड एड्भरटाइजिङ प्रालिद्वारा सञ्चालित
निष्पक्ष खबर डट कम

सुन्दरहरैँचा, मोरङ

सूचना विभाग दर्ता नं. १६४२ ०७६।७७

प्रेस काउन्सिल दर्ता नं. ३४३ ०७६।०७७
कम्पनी दर्ता नं. २२७६३९।०७६।०७७
स्थायी लेखा नं. ६०९६५३९४६

सम्पर्क

९८५११३३२९९, ९८४२१९२४१२, ९८०४०५३७९९

ई–मेल

[email protected]
हाम्रो टिम
अध्यक्ष टेकराज तिम्सिना
प्रधान सम्पादक खेमचन्द्र अधिकारी
सम्पादक ज्ञाननाथ ढकाल
प्रबन्धकः नवराज पोख्रेल
व्यवस्थापकः कृष्णचन्द्र सुवेदी
हाम्रो फेसबुक