निष्पक्षखबर



मनाङले जित्यो चौथो पटक बुढासुब्बाको उपाधी

धरानः विभागीय टिम नेपाल पुलिसलाई हराउँदै मनाङ मस्र्याङ्दी क्लबले धरानमा सम्पन्न २२ औं बुढासुब्बा टुबोर्ग गोल्डकपको उपाधी जितेको छ । बुढासुब्बा गोल्डकपमा यो उसको चौथो उपाधी हो ।

शनिबार भएको फाइनल खेलमा विभागीय टोली नेपाल पुलिस क्लबलाई ३–१ गोलले हराउँदै मनाङले उपाधि उचालेको हो । खेलको ११ औं मिनेटमा मनाङ मस्र्याङ्दी क्लबका खेलाडी दयानन्द सिंहले पहिलो गोल गरेका थिए ।

दोस्रो हाफमा निशान लिम्बूले थप गोल गरेका थिए भने ६७ औं मिनेटमा नेपाल पुलिस क्लबका भोला सिलवालले १ गोल गरेका थिए । इन्जुरी समयमा मनाङकै खेलाडी विमल रानाले थप गोल गरेका थिए ।

विजेता मनाङले नगद १० लाख र उपविजेता पुलिसले नगद ५ लाख पाएको छ ।

छ । उपविजेता पुलिसले ५ लाख रूपैयाँ पायो । कार्यक्रमका प्रमुख अतिथि प्रदेश १ का मुख्यमन्त्री शेरधन राई, अखिल नेपाल फुटबल सङ्घ (एन्फा) का अध्यक्ष कर्माछिरिङ शेर्पा, धरान फुटबल क्लबका अध्यक्ष किशोर राईलगायतले पुरस्कार प्रदान गरे ।

प्रतियोगितामा वेष्ट गोल अफ द डे मनाङका विमल राना, म्यान अफ दि म्याच मनाङका अञ्जन विष्ट, वेष्ट गोलकिपर मनाङका अशोक बराल, उत्कृष्ट डिफेन्स पुलिसका सुमन सुवेदी, वेष्ट मिड फिल्डर मनाङका पुजन उपरकोटी, वेष्ट फरवार्ड पुलिसका जुमानु राई, वेष्ट कोच, मनाङका पूजा टोपे, सर्वाधिक गोलकर्ता मनाङ दयानन्द सिंह, राइजिङ प्लेयर धरान फुटबल क्लबका रिवसन मास्के घोषित भई पुरस्कार जिते ।

Spread the love



Leave a Reply

Your email address will not be published.