नेपालले आईसीसी पुरुष टी–ट्वान्टी एसिया तथा इस्ट एसिया–प्यासिफिक छनोटको सुपर सिक्सअन्तर्गत आफ्नो पहिलो खेलमा युएईविरुद्ध सनसनीपूर्ण जित निकालेको छ । खेलमा नेकपा एक रनले विजयी भएको हो ।

नेपालले दिएको १ सय ४१ रनको लक्ष्य पछ्याएको यूएई १ सय ३९ रनमा रोकियो । अन्तिम ओभरमा जितका लागि यूएईलाई १० रन आवश्यक परेका बेला नेपालका दीपेन्द्रसिंह ऐरीले उत्कृष्ट बलिङ गर्दै टोलीलाई एक रनको जित दिलाएका हुन् ।

भदौ २४ गतेको घटनाबाट संरचनागत ठूलो क्षति बेहोरेको नेपालिरिका होटलले कर्मचारीलाई कुनै पनि अवस्थामा जागिर गुमाउनु नपर्ने स्पष्ट गरेको छ।

होटल व्यवस्थापनले होटलमा कार्यरत सम्पूर्ण कर्मचारीलाई नियमित तलबसँगै यस वर्षको दशैं बोनससमेत उपलब्ध गराइने जानकारी दिएको छ। साथै, घटनाको दिन आफ्नै ज्यानलाई जोखिममा राखी पाहुनाहरूलाई सुरक्षित रूपमा बाहिर निकाल्न सहयोग गर्ने तथा सुरक्षाको जिम्मेवारी पूरा गर्ने कर्मचारीलाई अतिरिक्त पुरस्कृत गरिने निर्णय गरिएको छ।

कम्पनीका अध्यक्ष भोलेश्वर दुलालले संकटका समयमा कर्मचारीहरूले देखाएको साहस, समर्पण र कर्तव्यनिष्ठाप्रति आभार व्यक्त गर्दै भविष्यमा पनि कर्मचारीहरूको हित र सुरक्षालाई सर्वोच्च प्राथमिकतामा राखिने बताउनुभयो।

काेसी प्रदेशकाे राजधानी विराटनगरमा पत्रकार र प्रहरीबीच घम्साघम्सी भएकाे छ । कोसी प्रादेशिक आमसञ्चार प्रतिष्ठान प्रस्तावले पत्रकारिता क्षेत्रमा कडा नियन्त्रणको प्रावधान ल्याएको भन्दै पत्रकार महासंघले विरोध गरिरहेकाे छ । संसद भवनअगाडि शान्तिपूर्ण प्रदर्शनमा उत्रिएका पत्रकारलाई प्रहरीले हस्तक्षेप गर्न खोजेपछि धकेलाधाकेल भएको हो ।

पत्रकार महासंघ काेसी समितिका अध्यक्ष भरत खड्काका अनुसार, संदनमा पेस भएकाे सञ्चार विधेयकप्रति महासंघले असमति राख्दैआएकाे छ । विधेयकमा पत्रकारलाई एक लाखसमम्मकाे जरिवानाकाे प्रवधान राखेपछि पत्रकार विराेधमा उत्रिएका हुन् ।

शिलापत्रबाट शाभार