Connect with us
Advertisement
Advertisement

युवा स्वरोजगार कोषले लकडाउन उल्लङ्घन गर्न प्रेरित नगरोस्

Published

on

कोरोनाको संक्रमणको त्रासका कारण विश्वका धेरै देशमा लकडाउन गरिएको छ । लकडाउनको समयमा अत्यावश्यक काममा बाहेक घरबाहिर ननिस्कन सरकारले अनुरोध गरेको छ । नेपालमा धेरै मानिसले लकडाउनको पालना गरेका छन् ।

यही बीचमा चैत मसान्त आउँदैछ । चैत मसान्तले नेपालको आर्थिक क्षेत्रमा धेरै महत्व राख्दछ । वित्तीय संस्थाले हरेका ३ महिनामा निकाल्ने वित्तीय विवरणअन्तर्गत तेस्रो त्रैमासिक विवरण यही चैत मसान्तभित्र तयार पार्नुपर्छ ।

हरेक मसान्तमा वित्तीय संस्थाबाट सेवा लिने सेवाग्राही पनि अलि बढी तनावमा हुन्छन् । संस्थाबाट लिएको ऋणको ब्याज, किस्ता बुझाउनुपर्ने समय पनि यही हो । चैत मसान्त आर्थिक वर्षको तेस्रो त्रैमासिकको आखिरी दिन भएकाले धेरै संस्थामा कर्जाको किस्ता र ब्याज बुझाउनेको भीड बढी हुन्छ ।

यसपटक परिस्थिति अलि फरक छ । देशमा लकडाउन छ । जसका कारण घरबाहिर निस्कन पाइँदैन । आवश्यक काम पर्दामात्रै बाहिर निस्कन मिल्ने हुनाले वित्तीय संस्थामा कर्जा तिर्ने र ब्याज बुझाउने कार्यका लागि जान पाइँदैन ।

गाउँ तथा शहरमा जताततै सहकारी संस्था खुलेका छन् । सहकारी संस्था धेरैजसो बन्द भए पनि केही संस्थाले भने बचत जम्मा गर्न र जम्मा गरिएको बचत झिक्न मात्रै सहकारी संस्था खोल्ने गरेका छन् । ती संस्थाले कर्जाको साँवा र ब्याज भने अहिले नलिने बताएका छन् । तर, यसैबीचमा सहकारीमार्फत् युवा स्वरोजगार कोषको रकम ऋण लिने ऋणी भने अलमलमा परेका छन् ।

युवा स्वरोजगार कोष सरकारी कोष हो । तर सो कोषले सहकारीमार्फत् ऋण लगानी गर्ने गर्छ । सहकारी गाउँगाउँमा पुगेका हुनाले सरकारले ग्रामीण क्षेत्रका जनताले सहजै सेवा लिन सकून् भनी सहकारीमार्फत् लगानी गर्ने नीति लिएको हो । जुन सह्रानीय कार्य हो ।

सो कोषमार्फत् गरिएको लगानीको साँवा र ब्याज तिर्ने सम्बन्धमा के गर्ने भन्ने बारेमा भने सहकारी संस्थाले केही भन्न सकेका छैनन् । सहकारीलाई सो कोषले कुनै जानकारी दिएको छैन । सो कोषको रकम परिचालन गर्नको लागि कोषले केही जिल्लामा फोकल पर्सन तोकेको छ । फोकल पर्सनले सहकारी र कोषबीच समन्वय गराउने गर्छन् । तर कतिपय जिल्लामा फोकल पर्सन नै तोकिएको छैन । त्यस्ता जिल्लामा आवश्यक परेको समयमा अर्काे जिल्लाको फोकल पर्सनलाई काजमा खटाइने गरिएको छ ।

ती फोकल पर्सनलाई पनि लकडाउनको समयमा कोषको साँवा र ब्याज कसरी बुझाउने भन्ने बारेमा कुनै जानकारी दिइएको छैन । जसका कारण सहकारी संस्थालाई उनीहरुले कुनै जानकारी दिन सकेका छैनन् । फलस्वरुप सम्बन्धित ऋणीलाई सहकारी संस्थाले ताकेता गर्न थालेका छन् । कोषको साँवा र ब्याज बुझाउन अब २ दिन बाँकी छ ।

यस विषयमा कोषले गम्भीर भएर नसोचेको पाइन्छ । लकडाउनको समयमा ऋणी कसरी सम्बन्धित संस्थामा पुगेर साँवा र ब्याज चुक्ता गर्न सक्छ ? स्पष्ट निर्देशन नआएको हुँदा सरकारले घोषणा गरेको लकडाउनको उल्लङ्घन गर्न युवा स्वरोजगार कोषले बाध्य पार्दैछ । २ साताभन्दा लामो समयदेखि लकडाउन जारी रहेकाले कोषबाट ऋण लिएर व्यवसाय गर्नेलाई साँवा र ब्याज बुझाउन पनि गाह्रो छ भन्ने कोषले बुझ्नुपर्ने हो । यस्तो पीडाको अवस्थामा थप पीडा दिने काम युवा स्वरोजगार कोषले गरिरहेको छ ।

त्यसैले सरकारले आजै निर्णय लिनु जरुरी छ । युवा स्वरोजगार कोषबाट ऋण लिने व्यवसायीले चैत मसान्तसम्मको साँवा र ब्याज बुझाउने समय सरकारले तोकिदिनुपर्नेछ । नेपाल राष्ट्र बैंकले साँवा र ब्याज बुझाउने सीमा बढाएजस्तो कोषले पनि समयसीमा बढाउनुपर्छ । होइन भने त सरकारले घोषणा गरेको लकडाउन उल्लङ्घन गर्दै युवा व्यवसायी सहकारी संस्थासम्म पुगेर व्यवसाय बन्द भएको महिनाको ब्याज र ऋणको किस्ता बुझाउनुपर्ने अवस्था आएको छ । यसतर्फ सोच्न ढिलो भइसकेन र ? लकडाउन उल्लङ्घन गर्ने काममा युवा स्वरोजगार कोषले प्रेरित नगरोस् ।

Continue Reading

Facebook Comment

Advertisement
1 Comment

You must be logged in to post a comment Login

Leave a Reply

Banner

जिब्रो सफा गर्दागर्दै मुखबाट छिरेको १५ सेन्टिमिटर लामो ब्रस नोबेल शिक्षण अस्पतालमा अप्रेसन गरेर निकालियो

Published

on

विराटनगरः जिब्रो सफा गर्ने क्रममा चिप्लिएर निलिएको दाँत माझ्ने ब्रस नोबेल शिक्षण अस्पतालका चिकित्सकले शल्यक्रिया गरेर निकालेका छन् ।

मोरङको मिक्लाजुङ गाउँपालिका–४ का ३५ वर्षीय गंगा मगरले दाँत माझ्ने क्रममा जिब्रोको भित्री भाग सफा गर्दै गर्दा मुखबाट चिप्लिएर ब्रस पेटमा पुगेको थियो । घटना गत बुधबारको हो ।

ब्रस पेटभित्र छिरेको कुरा सुनाउँदा शुरुमा परिवारका सदस्यले जिस्किएको ठानेका थिए । त्यसपछि मगर आत्तिँदै नोबेल अस्पताल विराटनगर पुगेर आफ्नो समस्या राखेका थिए ।

अस्पतालमा इन्डोस्कोपी गरेर हेर्दा सो ब्रस पेटभित्र देखिएपछि चिकित्सकले इण्डोस्कोपीबाटै ब्रस तान्ने कोशिस गरे पनि सफल नभएपछि शल्यक्रिया गरेर १५ सेन्टिमिटर लामो ब्रस नोबेलका शल्यचिकित्सक डा. अमित भट्टराईको टिमले बिहीबार निकालेको थियो ।

अहिले उनको अवस्था सामान्य भएको र डिस्चार्जको तयारी भएको अस्पतालले जनाएको छ ।

 

Continue Reading

Banner

एसईईको नतिजा साउन दोस्रो साता सार्वजनिक हुने

Published

on

काठमाडौंः साउन दोस्रो साताभित्र एसईईको नतिजा सार्वजनिक गर्नेगरी राष्ट्रिय परीक्षा बोर्डले तयारी शुरु गरेको छ । असार २० गतेभित्र सबै विद्यालयलाई आन्तरिक मूल्यांकन पठाउन बोर्डले निर्देशन दिएको छ । साउन १५ भित्र नतिजा सार्वजनिक गर्नेगरी काम शुरु गरेको बताइएको छ ।

विद्यार्थीको आन्तरिक मूल्यांकनबाट प्राप्त नतिजा असार २० गतेभित्र जिल्ला समन्वय एकाई कार्यालयमा पठाइसक्नुपर्ने भएको छ । राष्ट्रिय परीक्षा बोर्डले विद्यार्थीको मूल्याङ्नका लागि आवश्यक पर्ने कार्यविधि आइतबार पारित गर्दै असार २० गतेसम्ममा सबै विद्यालयले आफ्ना विद्यार्थीको आन्तरिक मूल्याङ्कन गरी पठाउने समयसीमा निर्धारण गरेको बोर्डका अध्यक्ष प्रा. चन्द्रमणि पौडेलले जानकारी दिए ।

विद्यालयले पठाएको आन्तरिक मूल्याङ्कन र जिल्लाका सबै विद्यार्थीको अभिलेख रुजु गरी असार मसान्तभित्र समन्वय समितिले राष्ट्रिय परीक्षा बोर्डमा पठाइसक्नुपर्ने भएको छ । बोर्डले विद्यार्थीको आन्तरिक मूल्याङ्कन गर्न मुख्य विषय शिक्षकहरूलाई जिम्मेवार बनाउँदै विद्यालयका प्रधानाध्यापक, वरिष्ठ शिक्षक, अङ्ग्रेजी, गणित र विज्ञान शिक्षक गरी पाँच जना सम्मिलित पाँच सदस्यीय समिति बनाएर उनीहरुले गरेको हस्ताक्षरसहितको अन्तिम मूल्याङ्कनलाई आधार मानेर नतिजा सार्वजनिक गर्ने भएको छ ।

गत वर्ष प्रधानाध्यापक एक्लैले गरेको र जथाभावी नम्बर हालेर पठाएको गुनासो आएपछि यस पटक पाँच सदस्यीय समिति बनाउने निर्णय गरेको बोर्डको भनाइ छ ।

Continue Reading

Banner

जेठमा थपिए १७०८६३ संक्रमित, २०८५९९ जना निको, ३,७९६ जनाको मृत्यु

Published

on

विराटचोकः जेठ महिनामा नेपालमा १ लाख ७० हजार ८ सय ६३ जना संक्रमित थपिएका छन् । बैशाख ३१ गते नेपालमा कोरोना संक्रमितको संख्या ४ लाख ३९ हजार ६ सय ५८ जना रहेकोमा आज जेठ ३१ गते सो संख्या ६ लाख १० हजार ५ सय २१ जना रहेको छ ।

स्वास्थ्य तथा जनसंख्या मन्त्रालयका अनुसार २ लाख ८ हजार ५ सय ९९ जना निको भएका छन् । योसँगै निको हुनेको संख्या ५ लाख ३६ हजार २ सय ५२ जना पुगेको छ । बैशाख ३१ गते यो संख्या ३ लाख २७ हजार ६ सय ५३ जना मात्रै थियो ।

एक महिनाको अवधिमा ३ हजार ७ सय ९६ जनाको ज्यान गएको छ । १ महिना अघि संक्रमणका कारण मृत्यु हुनेको संख्या ४ हजार ६ सय ६९ जना मात्रै थियो । जेठ ३१ गतेसम्ममा संक्रमणका कारण मृत्यु हुनेको संख्या ८ हजार ४ सय ६५ जना पुगेको छ ।

आइसोलेसनमा रहनेको संख्या ४१ हजार ५ सय ३२ जना कम भएको छ । बैशाख ३१ गते १ लाख ७ हजार ३ सय ३६ जना आइसोलेसनमा रहेकोमा जेठ ३१ मा आइपुग्दा सो संख्या ६५ हजार ८ सय ४ मा झरेको छ । क्वारेन्टिनमा रहनेको संख्या भने १५ जना बढेको छ । बैशाख ३१ मा ५ सय १६ जना क्वारेन्टिनमा रहेकोमा जेठ ३१ मा ५ सय ३१ जना क्वारेन्टिनमा रहेका छन् ।

१ महिनाको अवधिमा ४ लाख ९० हजार ६ सय ५३ स्वाबको पीसीआर परीक्षण गरिएको छ । बैशाख ३१ गतेसम्ममा २७ लाख ३३ हजार ५ सय १० जनाको स्वाब परीक्षण भएकोमा जेठ ३१ गतेसम्ममा ३२ लाख २४ हजार १ सय ६३ स्वाबको पीसीआर परीक्षण भएको देखिन्छ । औसतमा १ दिनमा १५ हजार ८ सय २८ स्वाबको पीसीआर परीक्षण गरेको देखिन्छ ।

Continue Reading
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement

Trending

सम्पर्क

विराट मिडिया एण्ड एड्भरटाइजिङ प्रालिद्वारा सञ्चालित
निष्पक्ष खबर डट कम

सुन्दरहरैँचा, मोरङ

सूचना विभाग दर्ता नं. १६४२ ०७६।७७

प्रेस काउन्सिल दर्ता नं. ३४३ ०७६।०७७
कम्पनी दर्ता नं. २२७६३९।०७६।०७७
स्थायी लेखा नं. ६०९६५३९४६

सम्पर्क

९८५११३३२९९, ९८४२१९२४१२, ९८०४०५३७९९

ई–मेल

[email protected]
हाम्रो टिम
अध्यक्ष टेकराज तिम्सिना
प्रधान सम्पादक खेमचन्द्र अधिकारी
सम्पादक ज्ञाननाथ ढकाल
प्रबन्धकः नवराज पोख्रेल
व्यवस्थापकः कृष्णचन्द्र सुवेदी
हाम्रो फेसबुक