विराटचोकः विश्वमा संक्रमणको दर बढ्दै गएको छ । संक्रमणको दर घट्दै गएका कतिपय देशमा फेरि संक्रमणको दर बढ्न थालेको छ । संक्रणको दर बढ्दै गएपछि विश्वमा एकै दिन साढे ३ लाखभन्दा बढी मानिसमा कोरोना संक्रमण पुष्टि हुन थालेको छ ।

वर्ल्ड ओ मिटर्स डट इन्फोका अनुसार कोलम्बियामा कोरोना संक्रमितको संख्या ९ लाख नाघेको छ । विगत २४ घण्टामा त्यहाँ ८ हजार ४ सय ४७ जना संक्रमित भेटिएसँगै संक्रमितको संख्या ९ लाख २ हजार ४ सय ४७ जना पुगेको छ । थप १ सय ६५ जनाको मृत्यु भएसँगै संक्रमणका कारण ज्यान गुमाउनेको संख्या २७ हजार ६ सय ६० पुगेको छ । ७ लाख ८३ हजार १ सय ३१ जना निको भएका छन् भने ९१ हजार ९ सय ५६ जना आइसोलेसनमा रहेका छन् । विश्वमा ९ लाखभन्दा बढी कोरोना संक्रमित हुने देशको संख्या ५ वटा पुगेको छ ।

७ लाखभन्दा कोरोना संक्रमित हुने देशको संख्या १० पुगेको छ । विगत २४ घण्टामा फ्रान्समा २६ हजार ८ सय ९६ जना संक्रमित थपिएसँगै त्यहाँ कोरोना संक्रमितको संख्या ७ लाख १८ हजार ८ सय ७३ जना पुगेको छ । थप ५४ जनाको मृत्यु भएसँगै ज्यान गुमाउनेको संख्या ३२ हजार ६ सय ३७ जना पुगेको छ । १ लाख ८ सय २८ जना निको भएका छन् भने ५ लाख ८५ हजार ४ सय ९ जना आइसोलेसनमा रहेका छन् ।

१५ वटा देशमा ४ लाखभन्दा बढी मानिसमा कोरोना संक्रमण पुष्टि भएको छ । पछिल्लो २४ घण्टामा इराकमा २ हजार ३ सय ४४ जना संक्रमित थपिएपछि त्यहाँ कोरोना संक्रमितको संख्या ४ लाख १ सय २४ जना पुगेको छ । थप ५५ जनाको मृत्युसँगै मृतकको संख्या ९ हजार ७ सय ९० जना पुगेको छ ।

३ लाख ३२ हजार ३ सय ३० जना निको भएका छन् । विगत २४ घण्टामा ४ हजार २ सय ३३ जना संक्रमित निको भएका छन् । आइसोलेसनमा रहनेको संख्या ५८ हजार ४ जना छ । त्यसमध्ये ५ सय ३० जनाको स्वास्थ्य अवस्था गम्भीर छ ।

सम्बन्धित थप समाचारः

कोलम्बियामा कोरोना संक्रमितको संख्या ८ लाखभन्दा बढी

कोलम्बियामा कोरोना संक्रमितको संख्या ७ लाखभन्दा बढी

रुसमा १२ लाख, फ्रान्समा ६ लाख र जर्मनीमा ३ लाख कोरोना संक्रमित

कोरोना संक्रमितको संख्यामा फ्रान्सलाई पनि पछि पार्याे भारतले, आजै जर्मनीलाई पनि पछि पारेको थियो