स्थानीय तह
फलफूल र बीउबिजनमा नगरलाई आत्मनिर्भर बनाउँदै सुन्दरहरैंचा (नगर स्थापना दिवस विशेष १)
विराटचोकः सुन्दरहरैंचा नगरपालिकाले यस वर्ष फलफूल खेती र बिउ बिजन उत्पादनमा जोड दिई नगरलाई फलफूल र बिउबिजनमा आत्मनिर्भर बनाउने भएको छ । सुन्दरहरैंचा नगरपालिकाका मेयर शिवप्रसाद ढकालका अनुसार ड्रागन खेतीलाई नगरले प्राथमिकता दिने भएको छ । २ वर्षपछि नगरलाई ड्रागन खेतीमा आत्मनिर्भर बनाई निर्यात गर्ने गरी काम भइरहेको उनले बताए ।
नगरपालिकाको कृषि शाखा प्रमुख फरिन्द्र भट्टराईका अनुसार रामबुतन (मलेसियन लिची), कास्मिरी एप्पल बयर रेड र ग्रीनको बिरुवा वितरण गर्ने कार्यक्रम पनि रहेको छ । नगरपालिकाले निःशुल्क बिरुवा दिने र किसानले अन्य लगानी गर्ने गरी काम भइरहेको उनले बताए ।
सिँचाइका लागि बोरिङ तथा पम्पसेटमा अनुदान, बाँध पैनी निर्माण, उन्नत जातको बीउ बिजन वितरणका साथै सलकपुरमा व्यवस्थित तरकारी बजारको लागि काम भइरहेको भट्टराईले बताए । वडा नम्बर ११ मा बीउ बिजनको गोदामघर बनाउने तयारी भइरहेको र नगरलाई बीउमा आत्मनिर्भर बनाउने गरी काम अघि बढेको उनको भनाइ छ ।
कृषक परिचय पत्रको लागि पनि काम भइरहेको जनाउँदै त्यसको लागि एउटा गोष्ठी भइसकेको र थप गोष्ठी गर्ने तयारी भएको उनको भनाइ छ । नगरपालिकाले किसानको माटो परीक्षण गर्ने काम निःशुल्क गरिरहेको र आफ्नो खेतबारीको माटो लिएर परीक्षणको लागि किसान आइरहेको पनि उनले जानकारी दिए ।
घाँसको बिउमा अनुदान, भकारो सुधार, एआईलगायतमा अनुदान दिने र कृषिसम्बन्धी कामको लागि वडाबाट नगरमा सिफारिश गर्दा लाग्ने दस्तुर मिनाहा गरिएको नगरप्रमुख ढकालको भनाइ छ । कृषिसम्बन्धी सबै सिफारिशमा राजस्वमा छुट दिनुका साथै विद्युतीय मेसिन, विषादी छर्कने मेसिन, धान, गहुँ तोरीको बिउ अनुदानमा दिने काम भइरहेको उनले जानकारी दिए ।
नयाँ पोखरी खनेर माछा पाल्नेलाई कठ्ठाको ५ हजार रुपैयाँ अनुदान दिने गरेको ढकालको भनाइ छ । सजिवनको बिरुवा ल्याउने कोशिस भइरहेको र रुख रोप्ने अभियानलाई प्राथमिकतामा राखेर काम भइरहेको उनले बताए ।
Banner
एमालेमा उम्मेदवारी शुल्क : अध्यक्षलाई १५ हजार, केन्द्रीय सदस्यलाई ५ हजार
नेकपा एमालेमा उम्मेदवारी दर्ताका लागि शुल्क निर्धारण गरिएको छ, जसमा अध्यक्षका लागि १५ हजार, अरु पदाधिकारीका लागि १० हजार र केन्द्रीय सदस्यका लागि ५ हजार रुपैयाँ उम्मेदवारी दर्ता शुल्क तोकिएको छ ।
सबै पदको फारमका लागि १ सय रुपैयाँ तोकिएको छ । आजै उम्मेदवारी दर्ताको समय तोकिएको छ । भोलि बिहान ११ बजेबाट नेतृत्व चयनका लागि मतदान हुँदै छ ।
Banner
साफ महिला क्लब च्याम्पियनशिपको उपाधिका लागि एपीएफ र इस्ट बङ्गाल खेल्ने
साफ महिला क्लब च्याम्पियनशिपको उपाधिका लागि नेपालको लिग विजेता एपीएफ क्लब र भारतको लिग विजेता इस्ट बङ्गाल एफसी खेल्ने भएका छन् । लिग चरणका दुई खेल बाँकी छँदै एपीएफ र इस्ट बङ्गाल उपाधिका लागि खेल्ने भएका हुन् ।
काठमाण्डौको त्रिपुरेश्वरमा रहेको दशरथ रङ्गशालामा हिजो भएको पहिलो खेलमा एपीएफले पाकिस्तानको कराँची सिटी एफसीलाई १–० गोलले हरायो । यस्तै हिजै बेलुका भएको दोश्रो खेलमा इस्ट बङ्गालले बङ्गलादेशको नसरिन स्पोर्टस एकेडेमीलाई ७–० गोलले हरायो ।
लगातार ३ खेलमा अपराजित इस्ट बङ्गाल ९ अङ्कसहित तालिकाको शीर्ष स्थानमा छ । समान खेलमा २ जीत र १ बराबरीसहित एपीएफ ७ अङ्क जोड्दै दोश्रो स्थानमा छ । एपीएफले पहिलो खेलमा बङ्गलादेशको नसरिन स्पोट्र्स एकेडेमीलाई ४–० गोलले हराएको थियो भने दोस्रो खेलमा भूटानको ट्रान्सपोर्ट युनाइटेडसँग गोलरहित बराबरीमा रोकिएको थियो ।
एपीएफले लिग चरणको अन्तिम खेलमा इस्ट बङ्गाल एफसीसँग पर्सि बुधवार खेल्नेछ । दक्षिण एशियाली फुटबल महासङ्घ (साफ) ले पहिलो पटक आयोजना गरेको च्याम्पियनशिपमा ५ सदस्य राष्ट्रको लिग विजेता सहभागी छन् । सिङ्गल राउन्ड रोबिनपछि शीर्ष २ टोलीेले फाइनल खेल्नेछन् ।
Banner
सहयोगी मनद्वारा गछिया आधारभूत विद्यालयका ९८ विद्यार्थीलाई न्यानो स्विटर वितरण
जाडोको चिसो बढ्दै गएका बेला मोरङको गछिया आधारभूत विद्यालयमा अध्ययनरत ९८ जना विद्यार्थीलाई ‘सहयोगी मनहरु सामाजिक संस्थाले न्यानो स्विटर वितरण गरेको छ।
आइतबार आयोजित कार्यक्रममा संस्थाका अध्यक्ष भीम अधिकारीले विद्यार्थीहरूलाई स्विटर हस्तान्तरण गर्दै शिक्षासँगै बालबालिकाको स्वास्थ्य र सुरक्षामा पनि ध्यान दिनुपर्ने आवश्यकता औंल्याउनुभयो। उहाँले यस्ता सामाजिक अभियानले समुदायमा सकारात्मक सन्देश प्रवाह गर्ने विश्वास व्यक्त गर्नुभयो।
विद्यालय प्रशासनले संस्थाको सहयोगप्रति आभार व्यक्त गर्दै यस्ता कार्यक्रमले विद्यार्थीहरूको नियमित उपस्थिती र मनोबल बढ्ने जनाएको छ। स्थानीय अभिभावकहरू पनि संस्थाको पहलप्रति खुशी देखिएका छन्।
सहयोगी मनहरु’ संस्थाले आगामी दिनमा पनि शिक्षा, स्वास्थ्य र सामाजिक सेवाका क्षेत्रमा सहयोग निरन्तर गर्ने जनाएको छ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने













Pingback: नगर गौरवका योजनाअन्तर्गत पर्यटकीय क्षेत्रमा काम गर्दै सुन्दरहरैंचा (नगर स्थापना दिवस विशेष २) -
Pingback: स्थानीय मिडियालाई प्रवर्द्धन गर्ने दिशामा सुन्दरहरैंचाको प्रयास (नगर स्थापना दिवस विशेष ९) - नि
Pingback: मजदुरका लागि आवासीय तालीम केन्द्र निर्माणसहित यी हुन् सुन्दरहरैंचाका आगामी योजना (नगर स्थापना
Pingback: सुन्दरहरैंचाका यी नमूना काम र सेवा (नगर स्थापना दिवस विशेष १०) - निष्पक्षखबर