निष्पक्षखबर



“सिलान्यास हुने तर दशौ वर्ष निमार्ण कार्य सम्पन्न नहुने अवस्थाको ४ लेन सडक निर्माण कार्यले तोडेका छ” मुख्य मन्त्री राई

 विराटचोकः प्रदेश नम्बर १ को राजधानी विराटनगरलाई जोड्ने विराटचोक–घिनाघाट ४ लेन सडक निर्माण कार्यको मुख्यमन्त्री शेरधन राईले अनुगमन गरेका छन ।

शुक्रबार भौतिक पूर्वाधार विकास मन्त्रालयका राज्यमन्त्री अम्बिरबाबु गुरुङ, सचिव राजेशप्रसाद घिमिरे, पूर्वाधार विकास कार्यालय मोरङका सिनियर डिभिजन इञ्जिनियर सुशील श्रेष्ठ, प्रदेश सांसद राजकुमार ओझा, सुन्दरहरैंचा नगरपालिकाका नगरप्रमुख शिवप्रसाद ढकाललगायतको टोलीले योजनाको अनुगमन गरेको हो ।

अनुगमनका क्रममा मुख्यमन्त्री राईले प्रदेशको पहिलो र गौरवको आयोजना भएकाले नमूना सडकको रुपमा लिएको र काम सन्तोषजनक रहेको प्रतिक्रिया दिए । हाल निर्माण भइरहेको कार्य सन्तोषजनक भएको उनको भनाइ थियो ।

“काम यसरी हुनुपर्छ सडकहरू शिलान्यास हुने तर दशौं वर्ष निर्माण कार्य सम्पन्न नहुने बेथिति यो नमूना सडकको निर्माण कार्यले तोडेका छ” मुख्यमन्त्रीको भनाइ थियो ।

निमार्णकार्य कुनै बहानामा नरोकिने बताउँदै समयमै काम सम्पन्न हुने उनले बताएका छन् । राईले समयमै काम सम्पन्न गर्नेलार्ई प्रदेश सरकारका तर्फबाट सम्मान गर्ने बताए ।

यस्तै सडकमा रहेका पोल सार्नका लागि टेन्डर आह्वान गरिएको र चाँडै पोल सार्ने, सडक किनारमा रहेका रुख काट्ने, हरैचा बजारमा रहेको मन्दिरलाई सार्ने कि त्यहीँ राख्ने भन्ने विषयमा सडकको चौडाइ नापेर स्थानीयसँग छलफल गरेर टुङ्ग्याउने उनले बताए ।

राईले ग्रामथान गाउँपालिकाको नेताचोकमा २३ भदौमा प्रदेश सरकारको गौरवको योजना मानिएको यो सडक शिलान्यास गरेका थिए । २२ किलोमिटर लामो ४ लेनको यो सडक प्रदेशकै गौरवको योजनाका रूपमा लिइएको छ । २ वर्षभित्र निर्माण कार्य सम्पन्न गर्ने गरी श्रेष्ठ रमण एपेक्स कम्पनीले निर्माण कार्यलाई तीव्रता दिएको छ ।

समयमै गौरवको आयोजना सक्ने गरी कामलाई द्रुत गतिमा अगाडि बढाइएको कम्पनीले जनाएको छ । अहिले सडकका सबै भागमा दुवै तर्फको ड्रेन निर्माण गरी माटो पुर्ने र साना पुल निर्माण गर्ने काम धमाधम भइरहेको छ ।

समयमै गौरवको आयोजना सक्ने गरी कामलाई द्रुत गतिमा अगाडि बढाइएको कम्पनीले जनाएको छ । अहिले सकडका सबै भागमा दुवै तर्फको ड्रेन निर्माण गरी माटो पुर्ने र साना पुल निर्माण गर्ने काम धमाधम भइरहेको छ ।

Spread the love



Leave a Reply

Your email address will not be published.