शिक्षा / स्वास्थ्य
शिक्षा निकेतन माविको ३३ औँ वार्षिकोत्सव सम्पन्न २ विद्यालय समायोजनका विषयमा मन्त्री कार्कीद्वारा प्रशंसा
विराटचोकः ‘शिक्षा निकेतनको लक्ष्य, गुणस्तरीय शिक्षासहित सम्पूर्ण विद्यार्थी वर्गको उज्ज्वल भविष्य’ भन्ने नाराका साथ शिक्षा निकेतन माध्यमिक विद्यालय सलकपुरले आफ्नो ३३ औँ वार्षिकोत्सव एवम् अभिभावक दिवस सम्पन्न गरेको छ ।
बुधबार विद्यालयको प्राङ्गणमा विशिष्ट अतिथि आन्तरिक मामिला तथा कानुन मन्त्री हिक्मतकुमार कार्की लगायतका अतिथिले पानसमा बत्ती बाली कार्यक्रमको उद्घाटन गरेका थिए । यस्तै बुधबार नै अभिभावक दिवसको अवसरमा प्रकाशित मुखपत्र २०६६ को विमोचन समेत गरिएको छ । कार्यक्रमलाई सम्बोधन गर्दै मन्त्री कार्कीले देशको परिवर्तनसँगै सम्रग विकास र समृद्धिप्रति चासो व्यक्त गरेका थिए ।
उनले सामुदायिक विद्यालय, सामुदायिक स्वास्थ्य संस्था, सामुदायिक सुरक्षा निकाय, सामुदायिक विभिन्न संस्थाहरू जबसम्म बलियो हँुदैनन् तबसम्म विकासको कुनै परिकल्पना गर्न नसकिने धारणा व्यक्त गरे । अहिलेसम्मको अभ्यास उल्टो दिशातर्फ लागेको बताउँदै सुल्टो बाटोतर्फ हिँडाउने कोशिस गरिरहेको उनले बताए । मन्त्री कार्कीले मूलभूत विकास भनेको जनशक्तिको उत्पादन हुने बताए ।
यसका लागि राज्यसँगै स्थानीय विद्यालय लागि पर्नुपर्ने धारणा उनले व्यक्त गरेका थिए । मन्त्री कार्कीले शिक्षा निकेतन र सूर्योदय आधारभूत विद्यालय समायोजन हुनुले प्रदेशकै नमुना काम भएको बताउँदै प्रशंसा गरेका थिए । मन्त्री कार्कीले विद्यालयलाई आवश्यक रहेको भवन बनाउन प्रदेश सरकारको साथ र सहयोग हुने समेत उल्लेख गरे ।
सो कार्यक्रममा प्रदेशसभा सदस्य राजकुमार ओझा, लोकप्रसाद सङ्ग्रौला, सुन्दरहरैंचा नगरपालिका वडा नम्बर ८ का वडाध्यक्ष खेमप्रसाद न्यौपाने, समाजसेवी कृष्णप्रसाद भट्टराई, उद्धव रिजाल, कृष्ण लामिछानेलगायतको उपस्थिति रहेको थियो । कार्यक्रममा वडाध्यक्ष न्यौपानेले मन्तव्य व्यक्त गर्दै विद्यालयलाई शिक्षाको क्षेत्रमा उचाइमा पु¥याउन नगरपालिकाको तर्फबाट आवश्यकता अनुसार सहयोग गर्ने बताए ।
२०४४ सालमा सेउलाको छाप्रोबाट शुरु भएको सो विद्यालय आधुनिक भवन निर्माण, पुस्तकालय, कम्प्युटर ल्याब, विज्ञान प्रयोगशाला, अहिलेको परिवेशमा सीसी क्यामेराबाट विद्यार्थी तथा विद्यालयको गतिविधि नियाल्दै प्रविधिमैत्री शिक्षामा यस विद्यालयले जोड दिएको प्रधानाध्यापक ठाकुरप्रसाद सुवेदीले बताएका छन् ।
वार्षिकोत्सवको अवसरमा गरीब तथा जेहेनदार बालबालिकालाई छात्रवृत्ति वितरण गरिएको थियो । बज्रमोहन आचार्य स्मृतिबाट ५ जना, कुमार राई स्मृतिबाट ४ जना, कृष्णप्रसाद पोखरेल स्मृतिबाट ३ जना र चुडामणि ढकाल स्मृतिबाट २ जना विद्यार्थीलाई छात्रवृत्ति दिइएको थियो । यस्तै माछापुच्छ«े बैंक विराटचोक शाखाले पनि ५ जना जेहेनदार तथा गरीब विद्यार्थीलाई पुरस्कार र नगद प्रदान गरेको थियो । मङ्गलबार सञ्चालित आनन्दप्रसाद रिजाल स्मृति हाजिरीजवाफ प्रतियोगिता आयोजना गरिएको थियो ।
सो हाजिरीजवाफ प्रतियोगितामा ११ विद्यालयको सहभागिता रहेको थियो । प्रतियोगितामा सुकुना माध्यमिक विद्यालय प्रथम भएको छ । यसैगरी, साजीलाल मावि दोस्रो, पञ्चायत मावि तेस्रो र महेन्द्र मावि चौथो भएका थिए । हाजिरीजवाफमा पहिलो, दोस्रो, तेस्रो र सान्त्वना स्थान ल्याउने विद्यालय तथा सहभागी विद्यालयलाई नगद र प्रमाणपत्र प्रदान गरिएको छ ।
कार्यक्रम विद्यालय व्यवस्थापन समितिका अध्यक्ष कृष्णप्रसाद रिजालको अध्यक्षतामा सम्पन्न भएको थियो । अध्यक्ष रिजालले समाजको नेतृत्व वर्ग राजनीतिकर्मी, शिक्षाप्रेमलगायतको सहयोगले विद्यालय आजको अवस्थामा आएको बताए ।
वर्तमान जनप्रतिनिधिहरूको सक्रियता, लगनशीलता र दूरदर्शिताले शिक्षामा आमूल परिवर्तन ल्याउन सहयोग पुगेको समेत बताए । अध्यक्ष रिजालले विद्यालयका उल्लेख्य कार्यहरू समेत अवगत गराएका थिए । कार्यक्रमको सञ्चालन शिक्षक घनश्याम ढकालले गरेका थिए ।
यो पनि पढ्नुहाेस्
सुन्दरहरैंचाका २ विद्यालयको समायोजन गर्ने नगरकार्यपालिकाको बैठकको निर्णय
सुन्दरहरैंचामा शिक्षा क्षेत्रको अवस्था भयावह : एउटा कक्षामा १ जना विद्यार्थी
एउटा कक्षामा २ विद्यार्थीका भरमा पढाइ हुँदैछ सुन्दरहरैंचामा
मन्त्री कार्कीले यसरी गरे समायोजन हुने विद्यालयको प्रशंसा भिडियो
मोरङको सुन्दरहरैँचा नगरपालिका–९ स्थित श्रीकृष्ण प्रणामी मन्दिर सलकपुर सेवा आश्रममा नयाँ वर्षसँगै बैशाख १ गतेदेखि ७ गतेसम्म अन्तर्राष्ट्रिय धार्मिक महोत्सव आयोजना हुने भएको छ।
आयोजकले बुधबार पत्रकार सम्मेलनमार्फत दिएको जानकारीअनुसार मन्दिर स्थापना भएको ५० वर्ष पूरा भएको अवसरमा “स्वर्ण महोत्सव”का रूपमा सप्ताहव्यापी कार्यक्रम सञ्चालन गरिनेछ।
श्रीकृष्ण प्रणामी संरक्षण सेवा समितिको आयोजनामा हुने श्रीमद्भागवत पाठ पारायण तथा श्रीकृष्णकथा साप्ताहिक ज्ञान महायज्ञका निर्देशक समितिका संयोजक रामप्रसाद गजुरेलका अनुसार महोत्सवमा देश–विदेशबाट हजारौँ भक्तजन, सन्त–महात्मा, धर्माचार्य तथा विशिष्ट व्यक्तित्वहरूको सहभागिता रहने अपेक्षा गरिएको छ।
महोत्सवमा १०८ श्रीमत तारतम सागर पाठ पारायण, वाणी चर्चा, श्रीमद्भागवत कृष्णकथा ज्ञान महायज्ञ, सन्त सम्मेलन लगायत विभिन्न धार्मिक तथा सांस्कृतिक कार्यक्रम आयोजना गरिनेछन्।
महोत्सवको उद्घाटन कोशी प्रदेशका मुख्यमन्त्री हिक्मतकुमार कार्कीले गर्ने कार्यक्रम रहेको छ। महोत्सव अवधिभर दैनिक पूजापाठ, योग, ध्यान, चिन्तन, भजन–कीर्तन तथा सांस्कृतिक कार्यक्रम सञ्चालन हुनेछन्।
पत्रकार सम्मेलनमा मन्दिर संरक्षण सेवा समितिका अध्यक्ष कृष्णप्रसाद वास्तोला, कार्यक्रम निर्देशक रामप्रसाद गजुरेल, सुन्दरहरैँचा नगरपालिकाका पूर्व नगर प्रमुख शिवप्रसाद ढकाल, सन्त महाराज मोहनानन्द शास्त्रीलगायतले महोत्सवले धार्मिक पर्यटन प्रवर्द्धनमा टेवा पुग्ने विश्वास व्यक्त गरे।
महोत्सव सञ्चालनका लागि करिब २ करोड १३ लाख रुपैयाँ सङ्कलन हुने अनुमान गरिएको छ। साथै, महोत्सवमार्फत संस्कृत शिक्षा सञ्चालन गर्न गुरुकुल निर्माण गर्ने दीर्घकालीन लक्ष्यसमेत राखिएको प्रचारप्रसार संयोजक शरण भट्टराईले जानकारी दिए।
पत्रकार सम्मेलनको सञ्चालन मूल समारोह समितिका महासचिव युवराज पौडेलले गरेका थिए।
महायज्ञमा भागवत कथावाचन नौतनपुर धामका विख्यात कथाकार स्वामी लक्ष्मणदेवजी महाराजले गर्नेछन्। साथै, नौतनपुरी धामका जगतगुरु कृष्णमणिजी महाराज, महामंगलापुरी धाम सुरताका गादिपति सूर्यनारायण दासजी महाराज, पद्मावातिपुरी धामका परमहंस सदानन्दजी महाराजलगायत राष्ट्रिय तथा अन्तर्राष्ट्रिय सन्त, विद्वान तथा धर्माचार्यहरूको उपस्थिति रहने जनाइएको छ।
शिक्षा मन्त्रालयले कानुन विपरीत लिइएको भर्ना शुल्क र निर्देशिकाले तोकेको बाहेक अन्य शुल्क फिर्ता गराउन सबै पालिकाहरुलाई निर्देशन दिएको हो ।
नयाँ शैक्षिक सत्र अगावै विद्यार्थी भर्ना नगर्न सर्वाेच्च अदालतले दिएको आदेशको कार्यान्वयन गराउन पनि मन्त्रालयले भनेको छ । मन्त्रालयका प्रवक्ता शिवकुमार सापकोटाले विज्ञप्ति निकालेर शैक्षिकसत्र शुरु भएपछि मात्रै विद्यार्थी भर्ना गराउन तथा शुल्क मापदण्ड विपरीत शुल्क नलिने व्यवस्था मिलाउन र गैह्रकानुनीरुपमा लिइएको पाइए शुल्क फिर्ता नगर्ने विद्यालयलाई कारवाही हुन सक्नेतर्फ समेत सचेत गराएको छ ।
सर्वाेच्च अदालतको गएको शुक्रबारको आदेशको उल्लङ्घन गरी शैक्षिकसत्र अगावै विद्यार्थी भर्ना गर्ने कार्य पनि दण्डनीय हुनेतर्फ मन्त्रालयले सचेत गराएको छ ।
आउँदो वैशाख १५ गतेदेखि नयाँ शैक्षिकसत्र शुरु हुँदैछ ।
माध्यमिक शिक्षा परीक्षा (एसईई) पारदर्शी बनाउन नयाँ निर्देशिका जारी गरी तीन दिनभित्र उत्तरपुस्तिका परीक्षण गर्ने योजना छ।
परीक्षा सुरक्षाका लागि १५ जना प्रहरी, निरीक्षक, र विभिन्न कर्मचारीको उचित व्यवस्था गरिएको छ।
सामूहिक अनुगमनमा अवरोध देखिएकाले यसमा रोक लगाई, प्रमुख जिल्ला अधिकारीको संयोजकत्वमा समिति गठन गरिएको छ।
काठमाडौँ- आजदेखि सञ्चालन हुने माध्यमिक शिक्षा परीक्षा (एसइई) मा यस वर्ष थप पारदर्शी र व्यवस्थित बनाइने भएको छ ।
परीक्षालाई व्यवस्थित र उत्तरपुस्तिका परीक्षणलाई छिटोछरितो बनाई शीघ्र नतिजा प्रकाशन गर्न नयाँ निर्देशिका जारी भएपछि परीक्षामा हुन सक्ने अनियमितता न्यून हुने अपेक्षा गरिएको छ ।
राष्ट्रिय परीक्षा बोर्डअन्तर्गत परीक्षा नियन्त्रण कार्यालय (कक्षा १०) ले विगतमा झैँ देशभर एकैपटक परीक्षा सञ्चालन गर्न लागेको हो । परीक्षा नियन्त्रक टुकराज अधिकारीका अनुसार देशभरका तोकिएका परीक्षा केन्द्रबाट बिहान ८ः०० बजेदेखि एकै समयमा एसइई परीक्षा सुरु हुनेछ ।
यही चैत २९ गते सम्पन्न हुने एसइई परीक्षामा यस वर्ष पाँच लाख १२ हजार ४२१ जना विद्यार्थी सहभागी हुनेछन् । तीमध्ये नियमिततर्फ चार लाख ४१ हजार ५६६ जनाले र ग्रेड वृद्धितर्फ ७० हजार ८५५ जनाले परीक्षा दिने भएका छन् । परीक्षा दिनेमा छात्राको सङ्ख्या बढी छ ।
यस वर्ष दुई लाख ५७ हजार ६१३ छात्रा, दुई लाख ५४ हजार ८०१ छात्र र अन्य सात जना परीक्षामा सहभागी हुनेछन् । जापानको एक परीक्षा केन्द्रबाट २३ जनाले परीक्षा दिँदै छन् । परीक्षाका लागि देशभर एक हजार ९६६ परीक्षा केन्द्र निर्धारण गरेको छ भने माध्यमिक तह अध्यापन हुने देशभरका ११ हजार ३७९ विद्यालयका विद्यार्थी परीक्षामा सहभागी हुनेछन् ।
परीक्षा नियन्त्रण कार्यालयले सातै प्रदेशका लागि जनक शिक्षा सामग्री केन्द्र लिमिटेडमा प्रश्नपत्र सम्बन्धित केन्द्रमा पठाइसकिएको छ । परीक्षाको सुरक्षाका लागि प्रत्येक केन्द्रमा १५ जना प्रहरी, एक केन्द्राध्यक्ष, एक सहायक केन्द्राध्यक्ष, २० जना परीक्षार्थी बराबर एक निरीक्षक, १०० परीक्षार्थी बराबर एक कार्यालय सहयोगी र अन्य दुई कर्मचारीको व्यवस्था गरिएको बोर्डले जनाएको छ ।
तीन दिनभित्र उत्तरपुस्तिका परीक्षण गराइने
यस वर्ष परीक्षा सम्पन्न भएको बढीमा तीन दिनभित्र परीक्षण सम्पन्न गरिसक्ने योजना छ । यसैगरी ‘मार्कस्लिप प्रिन्ट’ गरी ‘ट्याब’मा चढाई खाममा ‘सिलबन्दी’ गरी गोप्य र सुरक्षित रूपमा शिक्षा विकास तथा समन्वय एकाइमा तीन दिनभित्र बुझाउनुपर्ने नयाँ व्यवस्था गरिएको छ ।
केन्द्रले प्राप्त हुने उत्तरपुस्तिकामा ‘प्याकेट’ तोकिएको ढाँचामा लगत खडा गरी राख्नेछ । तत्पश्चात् सिलबन्दी खाममा परीक्षा केन्द्र र विषय उल्लेख गरेर परीक्षा नियन्त्रण कार्यालय (कक्षा १०) मा पठाउनुपर्नेछ ।
माध्यमिक शिक्षा परीक्षा (एसइई) व्यवस्थापन तथा उत्तरपुस्तिका परीक्षण निर्देशिका, २०८२ मा परीक्षा समाप्त हुने समयमा तोकिएका परीषकहरू परीक्षण केन्द्रमा पुगिसक्नुपर्ने प्रबन्ध गरिएको छ । सम्बन्धित विद्यालयको उत्तरपुस्तिका नपर्ने गरी परीक्षक र संपरीक्षक व्यवस्था गर्नुपर्नेछ । नतिजा प्रकाशनलाई प्रदेशगत रूपमा पनि प्रकाशन गर्न सकिने व्यवस्था गरिएको छ ।
उत्तरपुस्तिका परीक्षक र संपरीक्षकलाई परीक्षण केन्द्रमा नै रहेर परीक्षण गर्न भनिएको छ । परीक्षण केन्द्र रहेको विद्यालय भवनको सम्भव भएसम्म सिसिटिभी जडान भएको सुरक्षित कक्षमा परीक्षण र संपरीक्षण गराउने व्यवस्था गरिएको छ भने परीक्षण केन्द्रबाट उत्तरपुस्तिका बाहिर लैजाने, तोकिएका परीक्षकको सट्टामा अन्यले परीक्षण गर्ने, तोकिएको योग्यता नपुगेका शिक्षकले परीक्षण गर्ने, उत्तरपुस्तिकाको पोका हराउन वा मिसिन सक्ने जस्ता अनियमितता रोक्ने प्रबन्ध गरिएको छ । परीक्षक र संपरीक्षकले परीक्षण कक्षमा मोबाइललगायतका विद्युतीय उपकरण ल्याउन नहुने निर्देशिकामा उल्लेख छ ।
परीक्षा भएकै दिन परीक्षक र संपरीक्षकलाई बुझाइने, परीक्षणमा लापर्वाही गरेको पाइएमा लापर्वाहीको मात्रा हेरी पुनः परीक्षण गराउने, पारिश्रमिक कट्टा गर्ने वा परीक्षकको सूचीबाट नाम हटाउने, अन्य अमर्यादित कार्य गरेमा प्रचलित कानुनबमोजिम विभागीय कारबाहीसमेत गर्ने निर्देशिकामा उल्लेख गरिएको छ ।
सामूहिक अनुगमन निषेध
यस वर्ष एसइई परीक्षाको सामूहिक अनुगमनमा रोक लगाएको छ । परीक्षा केन्द्र अनुगमनका नाममा विभिन्न सङ्घसङ्गठनका प्रतिनिधि हलमा प्रवेश गर्दा परीक्षा दिइरहेका परीक्षार्थीको लेखन कार्यमा अवरोध पुगेको गुनासो आएपछि सामूहिक अनुगमनमा रोक लगाइएको हो । अनुगमनका लागि प्रत्येक जिल्लामा प्रमुख जिल्ला अधिकारीको संयोजकत्वमा समिति गठन गरिएको छ ।
परीक्षाको पहिलो दिन आज अनिवार्य अङ्ग्रेजी विषयको परीक्षा सञ्चालन हुनेछ । यस्तै, चैत २० गते अनिवार्य नेपाली, २२ गते अनिवार्य गणित, २३ गते विज्ञान तथा प्रविधि, २४ गते सामाजिक अध्ययन, २५ गते ऐच्छिक प्रथम खण्डका सबै विषय, २६ गते ऐच्छिक द्वितीय खण्डका सबै विषय र चैत २७, २८ र २९ गते प्राविधिक धारका बाँकी विषयहरूको परीक्षा सञ्चालन हुनेछ
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
Pingback: सुन्दरहरैंचामा पहिलो पटक समायोजन भएको विद्यालयले गति लिँदै - निष्पक्षखबर