मधुमल्लाः मिक्लाजुङ गाउँपालिका पर्यटकीय सम्भावना बोकेको क्षेत्र हो । ८० प्रतिशत पहाडी क्षेत्र रहेको यो गाउँपालिकामा थुप्रै ठाउँहरु घुम्न लायक छन् ।

गाउँपालिकाको नाम राखिएको मिक्लाजुङ डाँडो पर्यटकीय स्थल हो । यो करिब २४ हजार १० मिटर उचाइमा रहेको छ । यहाँबाट प्रदेश १ का सबै जिल्लाहरु देख्न सकिन्छ । यस्तै, सूर्योदयको अवलोकन समेत गर्न सकिन्छ । वडा नम्बर १ मा पर्ने यो ठाउँसम्म जानका लागि धनकुटाको राजारानी तर्फबाट सहज हुन्छ । मोरङबाट भने गाडीको बाटो छोडेर करीब २ घण्टाको पैदल यात्रामा यो ठाउँ पुग्न सकिन्छ ।

चुली पोखरीः पर्यटनको प्रचुर सम्भावना बोकेको चुली पोखरी पनि ओझेलमा परेको छ । धार्मिक तथा ऐतिहासिक महत्व बोकेको मिक्लाजुङ–२ मा रहेका यो पोखरी पर्याप्त प्रचारप्रसार र उचित संरक्षणकै कमीका कारण ओझेलमा परेको हो । दुई वटा पोखरी रहे पनि एउटा सुकेको अवस्थामा छ ।

चारौतिर पहाड भएको करिब दुई बिघा क्षेत्रफलमा फैलिएर चुरे पहाडको थाप्लोमा रहेको यो पोखरी धार्मिक तथा पुरातात्विक हिसाबले समेत निकै महत्वपूर्ण मानिन्छ । यहाँ होम स्टेको विकास गर्न सकिने मिक्लाजुङ गाउँपालिकाका अध्यक्ष देवीप्रसाद आचार्य बताउँछन् ।

घना जंगलले ढाकेको चुली पोखरीबाट प्रकृतिको मनोरम दृश्यावलोकन गर्न सकिन्छ । उर्लाबारीको किसान चोकदेखि १५ किलोमिटर उत्तरमा यो ठाउँ रहेको छ ।

निसेलुङ भ्यु टावरः मिक्लाजुङको वडा नम्बर ३ मा रहेको निसेलुङ भ्यु टावर पर्यटकका लागि राम्रो गन्तव्य बन्दै गएको छ । यहाँ एउटा भ्यु टावर निर्माण गरिएको छ । यहाँ अहिले आन्तरिक पर्यटक भित्र्याउनका लागि गाउँपालिकाले विभिन्न योजना बनाएर काम गरिरहेको छ । उर्लाबारीदेखि सात किलोमिटर उत्तरमा अवस्थित टाँडी चोकदेखि एक किलोमिटर उत्तर हुँदै निसेलुङ डाँडामा पुग्न सकिन्छ । निसेलुङ डाँडाबाट तराईका समथर भूभागका साथै मधुमल्ला, उर्लाबारी, दमकको अवलोकन गर्न सकिन्छ ।

गाउँपालिकाको वडा नम्बर ६ मा बेतिनी सिमसार रहेको छ । वडा नम्बर ७ मा देवीथान सिमसार रहेको छ । यो पनि निकै महत्व बोकेको पर्यटकीय क्षेत्र हो ।

सम्बन्धित समाचारहरु

उर्लाबारीको शानः बेतिनी सिमसार (विश्व पर्यटन दिवस विशेष ७ )

बेलबारी नगरः सिमसारै सिमसार (विश्व पर्यटन दिवस विशेष ६)
पर्यटकीय क्षेत्रको खानी रहेको केराबारी गाउँपालिका (विश्व पर्यटन दिवस विशेषः ५)

विवादको भुमरीमा परेको बाघझोडा सिमसार (विश्व पर्यटन दिवस विशेष ४)

सम्भावना रहे पनि पर्यटक तान्न नसकेको सुन्दरहरैंचाको कालीखोला पोखरी (विश्व पर्यटन दिवस विशेषः ३)

महाभारतकालीन महत्व बोकेको किच्चकगढी ओझेलमा (विश्व पर्यटन दिवस विशेषः २)

तराईका फाँट नियाल्न सकिने रमणीय भाग र ऐतिहासिक पोखरीको धनी लेटाङ नगरपालिका (विश्व पर्यटन दिवस विशेषः१)