कानेपोखरीः ऐतिहासिक महत्व बोकेको पोखरीको नामबाट गाउँपालिकाको नाम रहेको कानेपोखरी साबिकका होक्लाबारी, केरौन र बयरवन गाविस मिलेर बनेको छ ।
कानेपोखरी, भलुवा सिमसार र कालीकोशी गरी नगरमा ३ वटा मुख्य सिमसार रहेका छन् । पूर्वपश्चिम राजमार्गको कानेपोखरी चोकदेखि ४ सय मिटर दक्षिणमा कानेपोखरी– रंगेली सडकमै रहेको लगभग तीन बिघा जग्गामा रहेको पोखरीको नाम नै कानेपोखरी हो ।
पहिले पोखरीको आकार ठूलो रहेको भए पनि अहिले भने सो पोखरी पुरिँदै गएको छ । लेटाङको राजारानीमा लाग्ने ढङढङे मेला भर्न जाँदा पोखरीको ठुलो रुखको मुनि बसेर एक जना बुढी आमाले कानमा लगाउने सुन भाडामा दिने गर्थिन् रे । फर्किँदा त्यो सुन त्यहीँ बुझाएर घर आउनुपथ्र्याे रे । सोही घटनाको सम्झनामा पोखरीको नाम कानेपोखरी राखिएको बताइन्छ ।
भलुवा सिमसार: कानेपोखरी गाउँपालिकामा रहेको अर्काे सिमसार भलुवा सिमसार हो । पूर्व–पश्चिम राजमार्गको कानेपोखरी चोकदेखि करिब तीन किलोमिटर दक्षिण पूर्वमा ‘भलुवा सिमसार’ रहेको छ । ग्राभेल बाटो भएकाले यहाँ पुग्नलाई असहज छैन । कानेपोखरी–७, शुक्रबारेमा अवस्थित भलुवा सिमसार जैविक विविधताले भरिपूर्ण छ ।
वि.सं. २०२२ सालमा सिँचाइको लागि साविक बयरबनका स्थानीयले बाँध बाँधेपछि सो सिमसार क्षेत्रको निर्माण भएको थियो ।
कालीकोशी सिमसारः मोरङको कानेपोखरी गाउँपालिकाको वडा नं. ५ मा रहेको ‘कालीकोशी सिमसार’ क्षेत्र पनि क्रमश ओझेलमा पर्दै गएको छ । सिमसार क्षेत्रलाई व्यवस्थित गर्ने र प्रचारप्रसार गर्ने उद्देश्यले महापुराण पनि लगाइएको थियो । पूर्वपश्चिम राजमार्गको कानेपोखरी चोकदेखि ४ किलोमिटर दक्षिण घलेटोलबाट पश्चिम लागेपछि कालीकोशी पुगिन्छ ।
कालीकोशी खोलाको पूर्व र पश्चिममा २ वटा मुहान छन् । दुइ मुहानको बीचमा लगभग ३ बिघाको फराकिले टापु छ । खोलाको दुइ मुहान मध्ये पूर्वी तर्फको मुहानमा सातकन्या देवीमाईको थान रहेको रहेको छ । सोहि शिरको देवी थानमा स्थानीय स्तरको धार्मिक पर्यटकीय स्थल तथा सिमसार जलधारकोे विकास गर्नुका साथै प्रचार–प्रसार गर्ने उद्देश्यले हरेक वर्ष पुस मसान्तको दिन र माघे संक्रान्तिमा मेला लाग्ने गर्छ ।
देवीमाई थानमा कसैले भाकल गरेर केही मागेमा इच्छा पूरा हुने स्थानीय बताउँछन् ।
याे पनि पढ्नुहाेला
बेलबारी नगरः सिमसारै सिमसार (विश्व पर्यटन दिवस विशेष ६)
उर्लाबारीको शानः बेतिनी सिमसार (विश्व पर्यटन दिवस विशेष ७ )
पर्यटकीय क्षेत्रको खानी रहेको केराबारी गाउँपालिका (विश्व पर्यटन दिवस विशेषः ५)
विवादको भुमरीमा परेको बाघझोडा सिमसार (विश्व पर्यटन दिवस विशेष ४)
सम्भावना रहे पनि पर्यटक तान्न नसकेको सुन्दरहरैंचाको कालीखोला पोखरी (विश्व पर्यटन दिवस विशेषः ३)
महाभारतकालीन महत्व बोकेको किच्चकगढी ओझेलमा (विश्व पर्यटन दिवस विशेषः २)
तराईका फाँट नियाल्न सकिने रमणीय भाग र ऐतिहासिक पोखरीको धनी लेटाङ नगरपालिका (विश्व पर्यटन दिवस विशेषः१)
You must be logged in to post a comment Login