कला / साहित्य
जादुमयी स्वरका कारण अघि बढ्दै गरेका दियोग (बाल दिवस विशेष २)
आफ्नो बच्चाको प्रतिभा हेर्न सबै आमाबाबुको चाहना हुन्छ । सीमित बालबालिकामा मात्र विशेष प्रतिभा लुकेर रहेको हुन्छ । यस्ता प्रतिभालाई प्रस्तुत गर्दा उनीहरू प्रेरणाको स्रोत बन्न सक्छन् । जसले गर्दा समाजमा भएका नानीबाबुहरूको क्षमतालाई थप ऊर्जा मिल्ने देखिन्छ ।
मोरङको सिद्धार्थ सेकेण्डरी स्कुलमा अध्ययनरत दियोग ढकालको प्रतिभा पनि लोभलाग्दो छ । दियोग अहिले एसईई दिएर ११ कक्षामा पढ्ने तरखर गर्दैछन् । तर लकडाउनका कारण विद्यालय कहिले खुल्छ भनेर दैनिक समाचार हेरे पनि त्यो दिन अहिलेसम्म नआएको बताउँछन् ।
‘साथीहरूसँग भेटघाट गर्न त मन छ तर लकडाउनले भेटै बन्द गरायो,’ उनी भन्छन्, ‘घर बस्दा गीत प्राक्टिस गर्ने अवसर मिलेको छ त्यसमा खुशी छु ।’
दियोग आधुनिक गीतलाई टपक्कै टिपेर जस्ताको तस्तै गाउन सक्छन् । त्यही भएर सानै कक्षादेखि स्कुलमा पुग्ने बित्तिकै शिक्षक र विद्यार्थीबाट गीत गाउने अनुरोध आइहाल्थ्यो ।
कक्षा ४ मा हुँदा पहिलो पटक प्रतियोगितामा भाग लिने मौका पाएको उनी बताउँछन् । ‘म ४ कक्षामा हुँदा विद्यालयले गरेको ट्यालेन्ट सो भएको थियो,’ उनी भन्छन्, ‘त्यहाँ मैले पनि एउटा गीत सुनाएँ त्यस पछि सबैले अफर गर्न थाल्नुभयो त्यहीँबाट शुरु भयो ।’
अहिले थुप्रै प्रतियोगितामा भाग लिएर विभिन्न ठाउँबाट पुरस्कार हात पार्न उनी सफल भएका छन् । उनी भन्छन्, ‘जुन दिन मैले गीत गाएर पुरस्कार ल्याएँ त्यो दिन मभन्दा पनि ममी, बाबा धेरै खुसी हुनुभएको थियो । मलाई उहाँहरूले गरेको हौसला र प्रेरणाले नै मैले गायन क्षेत्रको शुरुवात गरेँ । अब यसलाई पढाइसँगै निरन्तरता दिन्छु ।’
दियोगको सोख भनेको व्यवस्थापन विषय पढेर व्यवसायी बन्ने रहेको छ । उनी भन्छन्, ‘पहिले पढाई, त्यसपछि गायन । म पढेर बिज्नेसमेन बन्छु ।’
दियोगले विद्यालयका शिक्षक जेबी थुलुङले रचना गरेको ‘देशको मुहार खुसीयालीले भर्न पाए हुन्थ्यो गाउँदागाउँदै देशको गीत मर्न पाए हुन्थ्यो… बोलको गीत एकल आवाजमा रेकर्ड गराइसकेका छन् । यस्तै सामुहिक रुपमा गाइएको ‘सिद्धार्थका हामी फूलहरू फूलेर सुवास फुलेर सुवास छर्नु छ, शान्तिको रङ भर्नु छ…’ बोलको सामुहिक गीत समेत रेकर्ड गराइसकेका छन् । यो गीत सिद्धार्थ सेकेण्डरी स्कुलको संस्थागत गीत हो ।
दियोग एसबीएसी सिङ्गिङ स्टारको प्रदेशस्तरीय प्रतियोगितामा सेमीफाइनलसम्म पुगेका थिए । बेलबारी महोत्सवमा भएको प्रतियोगितालगायत थुप्रै ठाउँमा गएर उनले आफ्नो कला प्रस्तुत गरिसकेका छन् । उनीभित्र साङ्गीतिक छनक देखिएपछि परिवारले विराटचोकमा रहेको कलाशालामा पठाउन थाल्यो ।
त्यसपछि उनलाई धेरै सहज भएको उनी बताउँछन् । २०६१ सालमा जन्मिएका उनले पहिलो पटक आमाबुबालाई जेसीजको कार्यक्रममा गएको बेला स्टेजमा माइक समाउँदै एउटा गीत सुनाएका थिए । ‘त्यो दिन म एकछिन हल बाहिर निस्किएकी थिएँ । भित्र कस्तो राम्रो गीत बजेको सुनेँ । अनि जाँदा त आफ्नै छोराले पो गाएको रहेछ,’ दियोगकी आमा योजना शर्मा त्यो क्षण सम्झिँदै भन्छिन्, ‘म अचम्मित भएँ । त्यो दिनदेखि दियोगमा गायकी प्रतिभा रै’छ भन्ने थाहा पाएँ ।’
दियोगको जादुमयी आवाजले उनका शिक्षक, विद्यार्थी र आफन्तलाई मोहित बनाएको छ । त्यसैले गायन क्षेत्रमा रुची हुने बालबालिकाका लागि दियोग प्रेरणाको स्रोत बन्न सक्नेछन् ।
सम्बन्धित समाचारहरु
मोडलिङ र नृत्यमा आफ्ने भविष्य देखेकी खुस्बु
आज राष्ट्रिय बाल दिवस देशभर मनाइँदै
Banner
पानी पार्न हेटौंडामा भ्यागुताको बिहे, ३ सय जना जन्ती
लामो खडेरीका कारण जनजीवन कष्टकर बनेपछि पानी पर्ने जनविश्वासले हेटौडौं उपमहानगरपालिका -१६ मा स्थानीयले भ्यागुताको विवाह सम्पन्न गराएका छन्।
आकाशबाट पानीको वर्षाको होस भनेर बुधबार बिहान पण्डितको उपस्थितिमा बाजागाजासहित एक जोडी भ्यागुताको वैदिक परम्परा अनुसार विवाह गराएका हुन्।
इन्द्र भगवाकाे पूजाआजा गरेपछि एक जोडी भ्यागुता समातेर श्रृङगार गरि बेहुला–बेहुली बनाएर विवाह प्रक्रिया पुरा गरिएको स्थानीयले बताए। विवाहमा वडा अध्यक्ष रामकृष्ण कोइराला समेत उपस्थित थिए।
पानी नपर्दा गर्मी र वन डँडेलो बढ्नुका साथै अन्नबाली लगाउन समेत समस्या भएको भन्दै स्थानीयले भ्यागुताको विवाह गराएको वडा अध्यक्ष कोइरालाले जानकारी दिए।
‘विदेशमा बादल बनाएर पानी पार्छन्, हाम्रो देशमा पानी पार्न भ्यागुताको विवाह गर्नुपर्ने अवस्था छ’, कोइरालाले भने, ‘पहिले ‘पहिले भ्यागुताको विवाह गर्यो भन्ने पानी पर्छ भन्ने चलन थियो। सोही अनुसार यहाँ भ्यागुताको विवाह भएको हो।’
भ्यागुताको विवाह कार्यक्रममा करिब ३ सय जना सहभागी रहेका थिए। हेटौँडा-१६ को राम मन्दिरबाट जन्ती प्रस्थान सुरु गरी १६ नम्बरकै खमारेको कुवा पुगेर विधिपूर्वक पन्चे बाजा सहित भ्यागुताको विवाह गरिएको हो।
Banner
आज – १३ बैशाख २०८१ बिहिवार को राशिफल
मेष
मेष (चु, चे, चो, ला, लि, लु, ले, लो, अ) आज धैर्य एवं लगनशीलताले अवसर दिलाउनेछ । आर्थिक क्षेत्रमा राम्रो सफलता मिल्नेछ । प्रेमीको सुझाव अनुरूप कार्य सम्पन्न पनि गर्न सकिनेछ ।
मिथुन
मिथुन (का, कि, कु, घ, ङ, छ, के, को, हा) महत्त्वपूर्ण कामको थालनी हुनेछ । परिश्रमअनुसार उपलब्धि पनि राम्रै पाइएला । सामाजिक क्षेत्रमा सफलता मिल्नेछ । लक्ष्मी प्रसन्न हुने योग पनि छ ।
सिंह
सिंह (मा, मि, मु, मे, मो, टा, टि, टु, टे) सामूहिक तथा रमाइलो सफल यात्रा हुनेछ । ठीक समयमा सही निर्णय लिन सकिनेछ । व्यवसायमा सफलता र आर्थिक सहयोग पनि मिल्नेछ ।
तुला
तुला (रा, रि, रु, रे, रो, ता, ति, तु, ते) धर्मकर्म तथा समाजसेवामा मन लाग्नेछ । नयाँ काम सुरु गर्ने समय छ । चलाखीपूर्ण कार्य सिद्ध हुनसक्छ । भाग्यले विभिन्न अवसरपनि जुराउनेछ ।
धनु
धनु (ये, यो, भा, भि, भु, धा, फा, ढा, भे) स्वादिष्ट भोजनको विशेष अवसर मिल्नेछ । सवारी साधन खरिद गर्ने योग छ । आज पहेँलो रङ्गको पहिर गर्नाले विभिन्न समस्याबाट जोगाउन सक्छ ।
कुम्भ
कुम्भ (गु, गे, गो, सा, सि, सु, से, सो, दा) आज अरुलाई प्रभावित पारेर काम बन्नेछ । रोकिएको धन हात पर्ला । न्यायिक कार्यमा सफलता मिल्नेछ । व्यापारमा राम्रै धनलाभ पनि हुनेछ ।
बृष
वृष (इ, उ, ए, ओ, वा, वि, वु, वे, वो) आज रोकिएका काम पूरा हुन सक्छ । धार्मिक क्षेत्रको भ्रमण हुनसक्छ । करियरको क्षेत्रमा मन मिल्ने साथीको सुझावले महत्त्वपूर्ण भूमिका निर्वाह गर्नेछ ।
कर्कट
कर्कट (हि, हु, हे, हो, डा, डि, डु, डे, डो) स्वास्थ्य सम्बन्धी चिन्ता बढ्नेछ । सामान हराउने वा चोरी हुने सम्भावना छ । अभिभावकको सल्लाहअनुरूप चल्न सके समस्याबाट मुक्त हुन सकिनेछ ।
कन्या
कन्या (टो, पा, पि, पु, ष, ण, ठ, पे, पो) रोकिएका काम पुनः सुरु हुन सक्छन् । महिला वा मित्रबाट विशेष सहयोग मिल्नेछ । लाभदायक यात्रा होला, तर पुँजी बजार भने कमजोर रहला ।
बृश्चिक
वृश्चिक (तो, ना, नि, नु, ने, नो, या, यि, यु) आज स्वास्थ्यमा खर्च बढ्नेछ । यात्रामा मालसामान हराउन सक्छ । सानातिना समस्यामा अल्झनुपर्नेछ । शरीरमा स्फूर्ति र उमङ्गको कमी हुनेछ ।
मकर
मकर (भो,जा,जि,जु,जे,जो,ख,खि,खु,खे,खो,गा,गि) आज एकपछि अर्को अवसर आउनाले मनमा प्रसन्नता छाउनेछ । घरमा अतिथिको आगमन हुनेछ । साथीभाइले पनि राम्रै सहयोग जुटाउनेछन् ।
मीन
मीन (दि, दु, थ, झ, ञ, दे, दो, चा, चि) जिद्दीपनाले गर्दा काम बिग्रने र आफूलाई कमजोर भएको अनुभूति हुनेछ । विपरीत वर्ग प्रति आकर्षण बढ्नेछ, तर साँझमा साथीको सहयोग पाइनेछ । राशिफल जे जस्तो भएपनि तपाईंको दिन मङ्गलमय रहोस् । – ज्यो.प. नारायणप्रसाद दुलाल
Banner
इजरायल र हमासबीच गाजामा युद्ध शुरु भएको दुईसय दिन नाघ्यो, पछिल्लो समय आक्रमण तीव्र
गाजामा इजरायल र प्यालेस्टाइनबीच युद्ध शुरु भएको दुई सय दिनभन्दा बढी भइसकेको छ । पछिल्लो हप्ताहरूमा, इजरायलले यस युद्धको अवधिमा गाजामा सबैभन्दा ठूलो आक्रमण गरेको बीबीसीले जनाएको छ । गाजाको उत्तरी क्षेत्रमा धेरैजसो बम विष्फोट भएको छ । इजरायली सेनाका प्रवक्ताका अनुसार दक्षिणी गाजामा सैन्य पर्यवेक्षण चौकी र मिसाइल प्रक्षेपण पोष्टहरू सहित २५ वटा क्षेत्रलाई निशाना बनाइएको छ ।
यसैबीच पछिल्लो समय इजरायलमा आक्रमण तीव्र पारेको लेबनानी सङ्गठन हिजबुल्लाहले आफ्ना दुई सदस्यको मृत्यु भएको जानकारी दिएको छ । कतारले हमास र इजरायलबीच युद्धविरामका लागि प्रयास गरिरहेको छ । कतारमा हमासको राजनीतिक कार्यालय पनि छ ।
-
अर्थ4 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years ago
साउनदेखि कुन तहका कर्मचारीको कति तलब ?
-
खेलकुद4 years ago
रंगशालाको अवलोकन
-
मुख्य4 years ago
शेयर बजारमा झिनो अंकको गिरावट
-
अर्थ4 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
Pingback: उत्कृष्ट चित्रकार बन्ने सपना कोरोनाले खाइदियो - निष्पक्षखबर
Pingback: आफ्नै आवाजमा गजल रेकर्ड गरिसकेका आयुष - निष्पक्षखबर
Pingback: ज्याब्लिङ थ्रोका अब्बल देवान (बाल दिवस विशेष ३) - निष्पक्षखबर
Pingback: दौड र बुद्धिचालमा असामान्य प्रतिभा भएकी जेस्मिना - निष्पक्षखबर
Pingback: क्वीज मास्टर क्रस्मा - निष्पक्षखबर
Pingback: सानो कक्षामा हुँदा विभिन्न प्रतियोगितामा भाग लिने मौकै नपाएकी कृतिका - निष्पक्षखबर