कला / साहित्य
आफ्नै आवाजमा गजल रेकर्ड गरिसकेका आयुष (बाल दिवस विशेष ५)
बालबालिकालाई स्थानीय परिवेश तथा घरपरिवारको रहनसहन र बोलीचालीले प्रत्यक्ष रूपमा प्रभाव पारेको हुन्छ । परिवारमा सबैभन्दा नजिकको साथी भनेको आमा हो । आमाको काखमा हुँदा वा ढाडमा बस्दा आमाको बोलीलाई टपक्कै टिप्न सिपालु आयुष बिष्ट राम्रो गायन क्षमता भएका प्रतिभा हुन् । आयुषकी आमा गायिका हुन् ।
त्यही भएर सानै उमेरमा आयुषले अप्रत्यक्ष रुपमा नजानिँदो तरिकाले गीतलाई तोते बोलीमा खेलाउन सिकेछन् त्यो आमालाई थाहै भएन । ‘बाबुलाई बोक्दा वा ऊ रुँदा उसलाई फुल्याउन म गीतका धुनहरु सुनाउँथे । बाबु एक्लै खेलिरहेको हुन्थ्यो । म आफ्नै काम गर्दै धुन गुनगुनाइरहेकी (लोरी गाइरहेकी) हुन्थेँ,’ उनकी आमा यमुना पराजुली भन्छिन्, ‘त्यसको केही दिन पछि त्यही लयमा उसले एकान्तमा भएको बेला गुनगुनाउने गरेको देखेर हामी सबै छक्क परेका थियौँ । त्यहीबाट बाबुमा क्षमता रहेछ भन्ने लाग्यो । त्यतिबेला उनको उमेर ५ वर्षको थियो ।
त्यसपछि हामीले विद्यालयको पढाइलाई प्राथमिकता दिँदै गायन क्षेत्रलाई पनि समात्दै लैजाने सल्लाह दियौँ । विद्यालयमा पनि गायन प्रतियोगिता हुन थाल्यो । त्यहाँ पनि राम्रो प्रस्तुति हुँदै गयो ।’ आयुषमा गायकमा हुनुपर्ने एउटा जादु रहेको छ । उनी जस्तोसुकै गीतको ताललाई छाड्दैनन् । उनको तालमा पकड राम्रो छ । प्रायः नारायण गोपाल, भक्तराज आचार्य र फत्तेमानका गीतहरु गाउन रुचाउँछन् । आधुनिक गीतमध्ये सबैभन्दा बढी नारायण गोपालको गीत नै रोज्छन् ।
अहिले आयुष सुकुना माध्यमिक विद्यालयमा कक्षा ९ मा पढ्दैछन् । २०६३ सालमा जन्मिएका उनी विभिन्न प्रतियोगितामा समेत सामेल भइसकेका छन् । यस्तै, उनले आफ्नै आवाजमा गजल पनि रेकर्ड गराइसकेका छन् । ‘समयले चोट दियो...’ बोलको गजलमा उनले स्वर दिएका छन् । सो गजलको रचना सञ्चारकर्मी वेदराज पौडेलले गरेका हुन् भने संगीत प्राज्ञ राम धामीले भरेका छन् । सिद्धार्थ आइडलमा प्रथम स्थान हात पारेपछि उनको यात्रा थप लम्कँदै जान थाल्यो । त्यसपछि प्रथम सुन्दरहरैंचा आइडलमा भाग लिए । त्यहाँ उनले तेस्रो स्थान हात पारे । त्यसपछि मोरङ र सुनसरीका विभिन्न महोत्सवमा समेत उनलाई स्टेजको अफर आउन थाल्यो । तर पढाइ पनि सँगै लैजानुपर्ने भएकाले उनी सबै कार्यक्रममा सहभागी भएनन् ।
अहिले राम्रो गायक बन्ने सपना बुनेर उनी लम्किरहेका छन् यसका लागि आरोहण संगीत विद्यालयमा जान थालेका छन् । शास्त्रीय गुरु भोला राई उनको प्रतिभामा निखारपन ल्याउन अहिले लागिपरेका छन् । आयुष राम्रो मान्छे बनेर समाज र देशलाई चिनाउन लाग्ने बताउँछन् ।
याे पनि पढ्नुहाेला
ज्याब्लिङ थ्रोका अब्बल देवान (बाल दिवस विशेष ३)
उत्कृष्ट चित्रकार बन्ने सपना कोरोनाले खाइदियो
जादुमयी स्वरका कारण अघि बढ्दै गरेका दियोग
मोडलिङ र नृत्यमा आफ्नो भविष्य देखेकी खुस्बु
गएको चैत १२ गते अगाडि सार्वजनिक निकायमा नियुक्त पदाधिकारीहरु स्वतः पदमुक्त भएका छन् । मन्त्रिपरिषद्को सिफारिसमा राष्ट्रपति रामचन्द्र पौडेलले अस्ति जारी गर्नुभएको ‘सार्वजनिक पदाधिकारीको पदमुक्ति सम्बन्धमा विशेष व्यवस्था अध्यादेश, २०८३’ को दफा २ को (१) मा यो व्यवस्था छ ।
दफामा सार्वजनिक पदाधिकारीहरुको नियुक्तिमा जुनसुकै शर्त, सुविधा र पदावधि तोकिएको भए पनि यो अध्यादेश प्रारम्भ भएपछि त्यस्ता पदाधिकारीहरु कार्यरत रहेको पदबाट स्वतः पदमुक्त हुने उल्लेख छ । यो अध्यादेश कानुन, न्याय तथा संसदीय मामिला मन्त्रालयले हिजो सार्वजनिक गरेको हो ।
अध्यादेशको दफा २ को उपदफा (२) मा पदमुक्त भएको पदाधिकारीलाई सम्बन्धित मन्त्रालयको सचिव वा निजले अख्तियारी दिएको अधिकारीले पदमुक्त भएको सूचना दिने उल्लेख छ । दफा १ को (२) बमोजिम यो अध्यादेश कार्यान्वयनमा आइसकेको छ ।
प्रचलित कानुनबमोजिम नियुक्त तथा मनोनयन भएका वा तोकिएको सार्वजनिक पदाधिकारीको पदमुक्ति सम्बन्धमा तत्काल कानुनी व्यवस्था गर्न वाञ्छनीय भएको र हाल सङ्घीय संसद्को अधिवेशन नभएकाले यो अध्यादेश जारी भएको प्रस्तावनामा भनिएको छ ।
प्रधानमन्त्री वालेन्द्र शाह नेतृत्वको सरकारले प्रशासनिक सुदृढीकरण र राज्यका निकायलाई नयाँ गति दिने उद्देश्यले यो कदम चालेको हो । अध्यादेश जारी भएसँगै विभिन्न ऐन र संरचनाअन्तर्गत राजनीतिक नियुक्ति पाएका कुल १ हजार ५९४ पदाधिकारी एकमुष्ट पदमुक्त भएका छन् ।
विश्व प्रेस स्वतन्त्रता दिवसको अवसरमा इन्द्रपुर जेसीजले सुन्दरहरैंचामा सक्रिय सञ्चारकर्मीहरूलाई सम्मान गर्दै कार्यक्रम आयोजना गरेको छ।
जेसीज सचिवालयमा सम्पन्न कार्यक्रममा वर्ष २०२६ का अध्यक्ष समीर बस्नेत तथा प्रमुख अतिथि, संस्थाका पूर्व अध्यक्ष एवं रेडियो सुसेलीका अध्यक्ष रमेश खड्काले ९ जना सञ्चारकर्मीलाई दोसल्ला ओढाएर सम्मानपत्र प्रदान गर्नुभयो।
सम्मानित हुनेहरूमा कृष्णचन्द्र सुवेदी (पूर्वी अनलाइन), खेमचन्द्र अधिकारी (शिखरबास खबर), गणेश मिश्र (रेडियो सुसेली), निरज खवास (फटाफट न्यूज), मणिराम दाहाल (नेपाल गौरव), राज पोख्रेल (इष्ट खबर), लीलानाथ गच्छदार (जनचर्चा टाइम्स), शिव भट्टराई (भोजपुरे सुन्दरहरैँचा अपडेट) र ज्ञाननाथ ढकाल (निष्पक्ष खबर) रहेका छन्।
पत्रकारितामार्फत सूचना प्रवाह, जनचेतना विस्तार तथा लोकतान्त्रिक मूल्य स्थापनामा योगदान पुर्याएको कदर गर्दै संस्थाले आफ्नो २५औँ वर्षगाँठको सन्दर्भमा सञ्चारकर्मीलाई सम्मान गरेको अध्यक्ष बस्नेतले जानकारी दिनुभयो।
प्रमुख अतिथि खड्काले सत्य, निष्पक्ष र विश्वसनीय समाचार प्रवाहमा सञ्चारकर्मीको भूमिका महत्वपूर्ण रहेको उल्लेख गर्दै यस्तो पहलको प्रशंसा गर्नुभयो।
कार्यक्रममा सम्मानित सञ्चारकर्मीका तर्फबाट मन्तव्य राख्दै शिखरबास खबरका सम्पादक खेमचन्द्र अधिकारीले वर्तमान सरकार प्रेसमैत्री नभएको आरोप लगाउनुभयो। निजी सञ्चार माध्यमप्रति सरकारी विज्ञापन वितरणमा गरिएको कटौतीले सरकार निरङ्कुशतातर्फ उन्मुख भएको संकेत मिलेको उहाँको भनाइ थियो।
उक्त कार्यक्रममा इन्द्रपुर जेसीज र इन्द्रपुर जुनियर जेसीजका पदाधिकारी तथा सदस्यहरूको उल्लेख्य उपस्थिति रहेको थियो।
सरकारले सम्पत्ति शुद्धीकरणसम्बन्धी ऐन संशोधन गर्नका लागि अध्यादेश जारी गर्न राष्ट्रपति कार्यालय पठाएको छ ।
राष्ट्रपति कार्यालयका प्रवक्ता रितेशकुमार शाक्यले सम्पत्ति शुद्धीकरणसम्बन्धी अध्यादेश राष्ट्रपति कार्यालयमा दर्ता भएको अनलाइनखबरलाई जानकारी दिए ।
सरकारले विभिन्न ८ वटा अध्यादेश राष्ट्रपति कार्यालय पठाएको हो ।
अन्य ६ वटा अध्यादेश भने अध्ययनकै क्रममा रहेको शाक्यले बताए ।
संवैधानिक परिषद् लगायतका केही अध्यादेशमा राष्ट्रपति पौडेलले बिहीबार कानुनविद्हरूसँग पनि छलफल गरेका थिए ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
Pingback: स्वरुप खतिवडा: शास्त्रीय गीत गाउन मन पराउने सुन्दरहरैंचा आइडल (बाल दिवस विशेष ६) - निष्पक्षखबर
Pingback: अन्तर्राष्ट्रिय क्रिकेट प्रतियोगितामा म्यान अफ द म्याच बनेका सुमन (बाल दिवस विशेष ७) - निष्पक्षख
Pingback: स्कलर्स होमकी गहना एलिसा याख्खा - निष्पक्षखबर