कला / साहित्य
हिपप डान्सर हुँदै मिस लिम्बू हुने सपना बोकेकी नुमा (बाल दिवस विशेष १२)
सबैको एउटा लक्ष्य हुन्छ । त्यो लक्ष्यसम्म पुग्न धेरै मिहिनेत गरी पसिना बगाउँदै गरेकी नुमा लिम्बू सुन्दरहरैंचा–१० मा बस्छिन् । ५ वर्षको उमेरमा गाउँका दिदीदाजु नाच्नका लागि गएको देखेर उनको मनमा पनि जाउँजाउँ लागेर आयो । अनि उनको रहर पूरा गर्न ५\७ दिनको लागि विराटकला समूहमा पठाएको नुमाकी आमा प्रीति लिम्बू बताउँछिन् ।
विराटकलामा गएर नृत्य सिक्न थालेको केही दिनमै तिहार आयो । उनका लागि त्यो अवसर थियो । सानै उमेरमा नाच्न खप्पिस उनलाई सिकाउन शिक्षकले धेरै मिहिनेत गर्नुपर्दैनथ्यो । १÷२ पटक नाच हेरेपछि सिकिहाल्ने उनी पढाइमा पनि अब्बल थिइन् ।
तिहार सकिएपछि छोरीलाई नाच्न नपठाउने भन्ने परिवारमा थियो । तर नाच्न असाध्यै रहर गरेकाले फेरि उनलाई नाच्न जान दिनका लागि परिवार सहमत भयो । नच्दै जाँदा पढाइमा पनि अघि बढ्दै गइन् । अरु भन्दा राम्रो नाच्न जान्नेको रुपमा आफ्नो नाम राख्दै जाँदा उनलाई थप अवसरहरु आए ।
त्यतिखेर उनी बालप्रतिभा स्कुल खोर्सानेमा पढ्थिन् । विद्यालयका हरेक प्रतियोगितामा भाग लिन्थिन् । त्यहाँ उनको एउटा जीत निश्चित बन्न थाल्यो । त्यसपछि विभिन्न क्षेत्रमा हुने प्रतियोगितामा भाग लिनका लागि नृत्य प्रशिक्षक राजु बस्नेत, सन्तोष मगर र शिव तामाङले डोर्याउन थाले । उनी भन्छिन्, ‘मैले धेरै समय विराटकलामा सिकेँ । त्यसपछिे एरिना डान्स सेन्टरमा जाँदैछु । त्यहाँ शिव सरले सिकाउँदै हुनुहुन्छ ।’
परिवारकी जेठी छोरी नुमा परिवार, समाज र राष्ट्रमा आफ्नो नाम स्थापित गर्न बिहान ५ बजेदेखि राती ७ बजेसम्म नृत्यमै समय बिताउँदै आएकी छिन् ।
विभिन्न प्रतियोगितामा भाग लिएर उनले पुरस्कार पनि जितेकी छिन् । पूर्वाञ्चल डान्स सुपर स्टार धनकुटामा टप १५ मा पुगे पनि दर्शकको भोट नपुगेका कारण बाहिरिइन् । त्यस्तै पोखरामा भएको ए वान डान्स सुपरस्टारमा सेमीफाइनलमा पुगे पनि सो प्रतियोगिताका निर्णायकको सवारी दुर्घटनामा परी निधन भएपछि प्रतियोगिता नै रद्द भयो । विराटकला समूहको आयोजनामा भएको लिटल च्याम्प डान्स विराटचोकमा तेस्रो भइन् । बालप्रतिभा स्कुल आइडल डान्समा प्रथम, हिमशिखर आइडलमा तेस्रो भएर पुरस्कार हात पारिन् । नुमा अहिले दमकमा हुन लागेको एउटा प्रतियोगिताको तयारीमा लागेकी छिन् । उनी त्यहाँ केही स्टेपहरुमा प्रतिभा नदेखाई छानिइसकेकी छिन् ।
नुमाको सपना भनेको राम्रो पप डान्सर हुने र लिम्बू आइडल बन्ने रहेको छ । उनी भन्छिन् मेरो सपना भनेको डान्स हो र त्यसपछि लिम्बू आइडल बन्ने रहर छ । ९ कक्षामा अध्ययनरत उनी एसईई नदिएसम्म पढाइलाई पनि ध्यान दिने बताउँछिन् ।
अहिले उनी गाउँका सानासाना भाइबहिनीलाई नृत्य समेत सिकाउँछिन् । लकडाउनका कारण विद्यालय बन्द भएपछि त्यो मौका जुरेको उनको भनाइ छ । नुमालाई परिवारले १ वर्षसम्म नृत्यका लागि कतै जान दिएन । परिवारका कारण उनी एक वर्ष कतै गइन् । तर घरमा धेरै मिहिनेत गरेकाले उनको प्रतिभालाई रोक्न नहुने भन्दै पुनः पठाउन थालेको उनकी आमा बताउँछिन् । नृत्यमा उनको कला देखेर धेरै लोभिने गरेका छन् ।
सम्बन्धित समाचार
सानो कक्षामा हुँदा विभिन्न प्रतियोगितामा भाग लिने मौकै नपाएकी कृतिका (बाल दिवस विशेष ११)
क्वीज मास्टर क्रस्मा (बाल दिवस विशेष १०)
दौड र बुद्धिचालमा असामान्य प्रतिभा भएकी जेस्मिना (बाल दिवस विशेष ९)
मेकानिकल इञ्जिनियर बन्ने सपना बोकेका बाल चित्रकार अंकित (बाल दिवस विशेष ८)
अन्तर्राष्ट्रिय क्रिकेट प्रतियोगितामा म्यान अफ द म्याच बनेका सुमन (बाल दिवस विशेष ७)
स्वरुप खतिवडा: शास्त्रीय गीत गाउन मन पराउने सुन्दरहरैंचा आइडल (बाल दिवस विशेष ६)
आफ्नै आवाजमा गजल रेकर्ड गरिसकेका आयुष (बाल दिवस विशेष ५)
उत्कृष्ट चित्रकार बन्ने सपना कोरोनाले खाइदियो (बाल दिवस विशेष ४)
ज्याब्लिङ थ्रोका अब्बल देवान (बाल दिवस विशेष ३)
जादुमयी स्वरका कारण अघि बढ्दै गरेका दियोग (बाल दिवस विशेष २)
मोडलिङ र नृत्यमा आफ्नो भविष्य देखेकी खुस्बु (बाल दिवस विशेष १)
गएको चैत १२ गते अगाडि सार्वजनिक निकायमा नियुक्त पदाधिकारीहरु स्वतः पदमुक्त भएका छन् । मन्त्रिपरिषद्को सिफारिसमा राष्ट्रपति रामचन्द्र पौडेलले अस्ति जारी गर्नुभएको ‘सार्वजनिक पदाधिकारीको पदमुक्ति सम्बन्धमा विशेष व्यवस्था अध्यादेश, २०८३’ को दफा २ को (१) मा यो व्यवस्था छ ।
दफामा सार्वजनिक पदाधिकारीहरुको नियुक्तिमा जुनसुकै शर्त, सुविधा र पदावधि तोकिएको भए पनि यो अध्यादेश प्रारम्भ भएपछि त्यस्ता पदाधिकारीहरु कार्यरत रहेको पदबाट स्वतः पदमुक्त हुने उल्लेख छ । यो अध्यादेश कानुन, न्याय तथा संसदीय मामिला मन्त्रालयले हिजो सार्वजनिक गरेको हो ।
अध्यादेशको दफा २ को उपदफा (२) मा पदमुक्त भएको पदाधिकारीलाई सम्बन्धित मन्त्रालयको सचिव वा निजले अख्तियारी दिएको अधिकारीले पदमुक्त भएको सूचना दिने उल्लेख छ । दफा १ को (२) बमोजिम यो अध्यादेश कार्यान्वयनमा आइसकेको छ ।
प्रचलित कानुनबमोजिम नियुक्त तथा मनोनयन भएका वा तोकिएको सार्वजनिक पदाधिकारीको पदमुक्ति सम्बन्धमा तत्काल कानुनी व्यवस्था गर्न वाञ्छनीय भएको र हाल सङ्घीय संसद्को अधिवेशन नभएकाले यो अध्यादेश जारी भएको प्रस्तावनामा भनिएको छ ।
प्रधानमन्त्री वालेन्द्र शाह नेतृत्वको सरकारले प्रशासनिक सुदृढीकरण र राज्यका निकायलाई नयाँ गति दिने उद्देश्यले यो कदम चालेको हो । अध्यादेश जारी भएसँगै विभिन्न ऐन र संरचनाअन्तर्गत राजनीतिक नियुक्ति पाएका कुल १ हजार ५९४ पदाधिकारी एकमुष्ट पदमुक्त भएका छन् ।
विश्व प्रेस स्वतन्त्रता दिवसको अवसरमा इन्द्रपुर जेसीजले सुन्दरहरैंचामा सक्रिय सञ्चारकर्मीहरूलाई सम्मान गर्दै कार्यक्रम आयोजना गरेको छ।
जेसीज सचिवालयमा सम्पन्न कार्यक्रममा वर्ष २०२६ का अध्यक्ष समीर बस्नेत तथा प्रमुख अतिथि, संस्थाका पूर्व अध्यक्ष एवं रेडियो सुसेलीका अध्यक्ष रमेश खड्काले ९ जना सञ्चारकर्मीलाई दोसल्ला ओढाएर सम्मानपत्र प्रदान गर्नुभयो।
सम्मानित हुनेहरूमा कृष्णचन्द्र सुवेदी (पूर्वी अनलाइन), खेमचन्द्र अधिकारी (शिखरबास खबर), गणेश मिश्र (रेडियो सुसेली), निरज खवास (फटाफट न्यूज), मणिराम दाहाल (नेपाल गौरव), राज पोख्रेल (इष्ट खबर), लीलानाथ गच्छदार (जनचर्चा टाइम्स), शिव भट्टराई (भोजपुरे सुन्दरहरैँचा अपडेट) र ज्ञाननाथ ढकाल (निष्पक्ष खबर) रहेका छन्।
पत्रकारितामार्फत सूचना प्रवाह, जनचेतना विस्तार तथा लोकतान्त्रिक मूल्य स्थापनामा योगदान पुर्याएको कदर गर्दै संस्थाले आफ्नो २५औँ वर्षगाँठको सन्दर्भमा सञ्चारकर्मीलाई सम्मान गरेको अध्यक्ष बस्नेतले जानकारी दिनुभयो।
प्रमुख अतिथि खड्काले सत्य, निष्पक्ष र विश्वसनीय समाचार प्रवाहमा सञ्चारकर्मीको भूमिका महत्वपूर्ण रहेको उल्लेख गर्दै यस्तो पहलको प्रशंसा गर्नुभयो।
कार्यक्रममा सम्मानित सञ्चारकर्मीका तर्फबाट मन्तव्य राख्दै शिखरबास खबरका सम्पादक खेमचन्द्र अधिकारीले वर्तमान सरकार प्रेसमैत्री नभएको आरोप लगाउनुभयो। निजी सञ्चार माध्यमप्रति सरकारी विज्ञापन वितरणमा गरिएको कटौतीले सरकार निरङ्कुशतातर्फ उन्मुख भएको संकेत मिलेको उहाँको भनाइ थियो।
उक्त कार्यक्रममा इन्द्रपुर जेसीज र इन्द्रपुर जुनियर जेसीजका पदाधिकारी तथा सदस्यहरूको उल्लेख्य उपस्थिति रहेको थियो।
सरकारले सम्पत्ति शुद्धीकरणसम्बन्धी ऐन संशोधन गर्नका लागि अध्यादेश जारी गर्न राष्ट्रपति कार्यालय पठाएको छ ।
राष्ट्रपति कार्यालयका प्रवक्ता रितेशकुमार शाक्यले सम्पत्ति शुद्धीकरणसम्बन्धी अध्यादेश राष्ट्रपति कार्यालयमा दर्ता भएको अनलाइनखबरलाई जानकारी दिए ।
सरकारले विभिन्न ८ वटा अध्यादेश राष्ट्रपति कार्यालय पठाएको हो ।
अन्य ६ वटा अध्यादेश भने अध्ययनकै क्रममा रहेको शाक्यले बताए ।
संवैधानिक परिषद् लगायतका केही अध्यादेशमा राष्ट्रपति पौडेलले बिहीबार कानुनविद्हरूसँग पनि छलफल गरेका थिए ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
Pingback: स्कलर्स होमकी गहना एलिसा याख्खा - निष्पक्षखबर